ពិតអត់? Messi ចេញប្រាក់១,៦លានដុល្លារដើម្បីដោះលែង​Ronaldinho


កីឡាករ Lionel Messi បាន​ប្រើប្រាស់​បណ្តាញ​ទំនាក់ទំនង​សង្គម ដើម្បី​ឆ្លើយ​តប​ទៅ​នឹង​ព័ត៌មាន​អំពី​ខ្លួន​នៅ​ប៉ុន្មាន​ស​ប្តា​ហ៍​នេះ ទាក់ទិន​នឹង​ការ​ផ្ទេរ​ទៅ​ចូលរួម​ជាមួយ​ក្លិប Inter Milan ជា​ពិសេស​ដំណឹង​ជុំវិញ​អតីត​មិត្ត​រួម​ក្រុម គឺកីឡាករ Ronaldinho ដោយ​បដិសេធ​​ថា​​ជា​​ព័ត៌មាន​ក្លែងក្លាយ​ (Fake News) ។

តារា​ឆ្នើម​របស់​ក្រុម Barcelona បាន​ចេញ​សេចក្តី​បដិសេធ​យ៉ាង​ខឹងសម្បារ កាលពី​ល្ងាច​ថ្ងៃ​ព្រ​ហ​ស្បត៍​ម្សិលមិញ បន្ទាប់​ពី​សារព័ត៌មាន​ក្នុងស្រុក​មួយ (​អា​ហ្ស​ង់​ទី​ន​) TNT Sports បាន​​ចុះផ្សាយ​ថា រូបគេ​ជា​អ្នក​ដែល​ចេញ​ប្រាក់​ចំនួន​១,៦​លាន​ដុល្លារ​អា​មេ​រិ​ក​ដើម្បី​ដោះ​លែង Ronaldinho ចេញពី​ពន្ធនាគារ​នៅ​ប្រទេស​ប៉ា​រ៉ា​ហ្គា​យ​។

ខ្សែប្រយុទ្ធ​ក្រុម​ជម្រើសជាតិ​អា​ហ្ស​ង់​ទី​ន​វ័យ​៣២​ឆ្នាំ​​រូបនេះ​​បាន​បញ្ជាក់​យ៉ាង​ច្បាស់​តាម​រយៈ​ទំព័រ Instagram របស់​ខ្លួន​ថា រឿង​ទាំង​អស់នេះ មិន​មាន​ពាក់ព័ន្ធ​អ្វី​ជាមួយ​រូបគេ​ឡើយ ។

ក្នុង​នោះ កីឡាករ Messi ក៏​បាន​ច្រានចោល​ទាំងស្រុង​ចំពោះ​រឿង​ថ្មី​ៗ ដែល​បាន​ផ្ទុះ​ឡើង​ថា ខ្លួន​នឹង​ចាក​ចេញពី​ក្លិប Barcelona ដោយ​ទៅ​ចូលរួម​ជាមួយ​ក្លិប​យក្ស​អុី​​តា​លី Inter Milan នៅ​រដូវ​កាល​ក្រោយ ។

កីឡាករ Messi បាន​យក​រូបភាព​ចុះ​ផ្សាយ​របស់ TNT Sports ដោយ​បាន​សរសេរ​ពីលើ​ថា «#FakeNews និង​ការ​កុហក​ទី​១៖ Messi ទៅ Inter, ការ​កុហក​ទី​២៖ Messi បានអោយ​លុយ​ទៅ Ronaldinho នៅ​ក្នុង​គុក​» ។

បន្ទាប់​មក​ម្ចាស់​ពាន Ballon d’Or ៦​លើក​រូប​នេះ​បាន​បន្ថែម​ប្រយោគ​មួយទៀត​ថា «​អ្វី​ដែល​ពួក​គេ​បាន​និយាយ​អំពី​ក្លិប Newell’s Old Boys កាលពី​ប៉ុន្មាន​ស​ប្តា​ហ៍​មុន ក៏​ជា​រឿង​មិន​ពិត​ផង​ដែរ សូម​អរគុណ​ព្រះ​ជា​ម្ចាស់ ដែល​គ្មាន​នរណា​ម្នាក់​ជឿ​ពួក​គេ​» ៕ (ដកស្រង់​ចេញពី Goal.com)

កីឡាអន្តរជាតិ

Sponsored News

ការស្ទង់មតិគេហទំព័រថ្មី




សូម​អរគុណ