ឥណ្ឌា៖ នៅពេលដែលមនុស្សទូទាំងប្រទេសសម្ងំនៅក្នុងផ្ទះក្រោយពេលថ្នាក់ដឹកនាំប្រទេសឥណ្ឌាសម្រេចបិទប្រទេសទាំងស្រុងនោះ ក្រុមហ្វូងអណ្តើកសមុទ្រពូជ Olive Ridley កំពុងឡើងលើឆ្នេរដែលគ្មានមនុស្សសោយសុខតាមច្បាប់ធម្មជាតិរបស់ខ្លួន ។ យោងតាមប្រភពព័ត៌មានពី returnonow.net ឥណ្ឌាបានឲ្យដឹងថា…
ឥណ្ឌា៖ នៅពេលដែលមនុស្សទូទាំងប្រទេសសម្ងំនៅក្នុងផ្ទះក្រោយពេលថ្នាក់ដឹកនាំប្រទេសឥណ្ឌាសម្រេចបិទប្រទេសទាំងស្រុងនោះ ក្រុមហ្វូងអណ្តើកសមុទ្រពូជ Olive Ridley កំពុងឡើងលើឆ្នេរដែលគ្មានមនុស្សសោយសុខតាមច្បាប់ធម្មជាតិរបស់ខ្លួន ។
យោងតាមប្រភពព័ត៌មានពី returnonow.net ឥណ្ឌាបានឲ្យដឹងថា អណ្តើកសមុទ្រជិតពូជ Olive Ridley ជាង ៧ ម៉ឺនក្បាលកំពុងតែវាយលុកឆ្នេរអូសាសារីខូស Odisha Rookery ដែលជាឆ្នេរសមុទ្រមួយក្នុងប្រទេសឥណ្ឌាដើម្បីធ្វើសំបុកដ៏ធំមួយនៅក្រោមពន្លឺថ្ងៃ ។ ហ្វូងអណ្តើកដែលត្រូវបានគេផ្តិតរូបភាពបាន ហាក់រីករាយនឹងការផ្តល់កំណើតលើវាលខ្សាច់ ទីកន្លែងដែលពួកវាមិនអាចឡើងមកពងរាប់ឆ្នាំមកហើយ ដោយសារតែឆ្នេរសមុទ្រមួយនេះជាឆ្នេរដែលទាក់ទាញភ្ញៀវទេសចរមកទស្សនាយ៉ាងច្រើនជាប់ជាប្រចាំ តែពេលនេះគ្រប់យ៉ាងហាក់ប្រែប្រួល និងបានផ្តល់ឱកាសដល់សត្វសមុទ្ររីករាយលើឆ្នេរខ្សាច់ បន្ទាប់ពីប្រជាជនឥណ្ឌារាប់លាននាក់កំពុងឃុំខ្លួននៅផ្ទះរយៈពេល ២១ថ្ ងៃ។
ឥឡូវនេះអាជ្ញាធរឥណ្ឌាមិនចាំបាច់ប្រឹងប្រែងការពារពងអណ្តើកពីការរំខាន់របស់មនុស្សឡើយ ។ កាលពីឆ្នាំមុនកន្លែងភ្ញាស់កូនអណ្តើកសំខាន់នៅឥណ្ឌាត្រូវបានខូចខាតយ៉ាងធ្ងន់ធ្ងរ ដោយសារព្យុះស៊ីក្លូន ដែលបានធ្វើឱ្យឆ្នេរ អូលីវរីដលី មិនអាចជាទីកន្លែងស្ងប់សុខរបស់អណ្តើកសមុទ្របង្កកំណើត ។
សូមបញ្ជាក់ថា សម្រាប់ពូជអណ្តើកសមុទ្រមួយក្បាល គឺអាចបញ្ចេញពងបានដល់ទៅ ១០០ ពង មុនពេលវាធ្វើដំណើរត្រឡប់ចូលទៅសមុទ្រវិញ។ នៅពេលញាស់កូនអណ្តើនឹងលូតលាស់ពេញពេញរហូតអាចមានទំហំដល់ទៅ ២ ហ្វីត ៕
ចែករំលែកព័តមាននេះ