ខេត្តមណ្ឌលគិរី ៖ សង្កេតឃើញនៅក្នុងទឹកដីខេត្តមណ្ឌលគិរីឯណោះវិញ គិតត្រឹមម៉ោង១រសៀលថ្ងៃទី១០ មេសា នេះ គឺមិនសូវមានបងប្អូនសម្រុកធ្វើដំណើរមកស្រុកកំណើតដូចនៅតាមបណ្តាខេត្តនានាទេ គិតចាប់តាំងពីយប់ រហូតមកទល់ព្រឹកទាំងអ្នកដំណើរតាមរថយន្ត ឬក៏តាមម៉ូតូ…
ខេត្តមណ្ឌលគិរី ៖ សង្កេតឃើញនៅក្នុងទឹកដីខេត្តមណ្ឌលគិរីឯណោះវិញ គិតត្រឹមម៉ោង១រសៀលថ្ងៃទី១០ មេសា នេះ គឺមិនសូវមានបងប្អូនសម្រុកធ្វើដំណើរមកស្រុកកំណើតដូចនៅតាមបណ្តាខេត្តនានាទេ គិតចាប់តាំងពីយប់ រហូតមកទល់ព្រឹកទាំងអ្នកដំណើរតាមរថយន្ត ឬក៏តាមម៉ូតូ គឺមានភាគតិចបំផុត។
លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីឱ្យដឹងដែរថា អាជ្ញាធរខេត្តក៏បានដាក់កំលាំងចំនួន៥គោលដៅរួចហើយ ដើម្បីទប់ស្កាត់ការធ្វើដំណើររបស់បងប្អូន ដែលមានបំណងមកកាន់ស្រុកកំណើតនេះ ។ ចំណុចគោលដៅទាំង៥កន្លែង គឺស្ថិតនៅក្នុងក្រុងសែនមនោរម្យមាន៣គោលដៅ និងនៅព្រំប្រទល់ខេត្តមណ្ឌលគិរីទៅក្រចេះ១គោលដៅ និងព្រំប្រទល់ខេត្តមណ្ឌលគិរី ទៅរតនគិរី ១គោលដៅទៀត ។
បើតាមលោកស្នងការដែលទទួលបន្ទុកតាមគោលដៅនីមួយៗបានឱ្យកោះសន្តិភាពដឹងថា គឺមិនសូវមានរថយន្តធ្វើចរាចរណ៍នោះទេ គឺមានភាគតិចបំផុតដែលចេញពីខេត្ត ។ ហើយបើត្រូវចូលមកខេត្តវិញ លុះត្រារថយន្តផ្ទុកមនុស្សត្រឹម២នាក់ទើបអាចចូលបាន ប៉ុន្តែបើមាន៥នាក់នៅក្នុងរថយន្ត គឺហាមមិនចូលឡើយ ។
លោកស្នងការនគរបាលខេត្តបានបន្ថែមថា ការដាក់តាមគោលដៅនីមួយៗ គឺជាកាតព្វកិច្ចរបស់កងកម្លាំងទាំងអស់ ដែលត្រូវអនុវត្តតាមបទបញ្ជារបស់រាជរដ្ឋាភិបាលកម្ពុជា ដើម្បីបង្ការទប់ស្កាត់ការរីករាលដាលនៃជំងឺកូវីដ១៩ កុំឱ្យមានការឆ្លងរាលដាលកាន់តែច្រើននោះ ។
លោកបញ្ជាក់ទៀតថា ការណែនាំទប់ស្កាត់ការធ្វើដំណើររបស់ពលរដ្ឋ បានធ្វើឡើងតាំងពីម៉ោង២៤:០០អាធ្រាតថ្ងៃទី០៩ មេសា រហូតដល់វេលាម៉ោង២៤:០០ថ្ងៃទី ១៦ មេសា ខាងមុខនេះ ។
ចែករំលែកព័តមាននេះ