រាជធានីភ្នំពេញ ៖ សមត្ថកិច្ចណាមួយដែលប្រព្រឹត្តិខុសនឹងបទបញ្ញាត្តិនៃច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្ន នឹងទទួលទោសតាមច្បាប់នៃព្រះរាជា ណាចក្រកម្ពុជា ។ នេះបើតាមលោក ប៉ែន បញ្ញា…
រាជធានីភ្នំពេញ ៖ សមត្ថកិច្ចណាមួយដែលប្រព្រឹត្តិខុសនឹងបទបញ្ញាត្តិនៃច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្ន នឹងទទួលទោសតាមច្បាប់នៃព្រះរាជា ណាចក្រកម្ពុជា ។ នេះបើតាមលោក ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌នៃរដ្ឋសភា ។
លោកប៉ែន បញ្ញា បានអានសេចក្តីព្រាងច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្ន នាសម័យប្រជុំពេញអង្គរដ្ឋសភា នាព្រឹកថ្ងៃទី១០ ខែមេសា ឆ្នាំ២០២០ ក្រោមអធិបតីភាពសម្តេចហេង សំរិន ប្រធានរដ្ឋសភា និងមានការចូលរួមពីសមាជិករដ្ឋសភាទាំងអស់១១៥ រូប បានបញ្ជាក់ថា ៖«មានត្រា៩នៃច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្ន បានលើកឡើងថា ការទទួលខុសត្រូវរបស់អាជ្ញាធរមានសតម្ថកិច្ចចែង បើសិនអាជ្ញាធរប្រើប្រាស់សិទ្ធិអំណាចដោយទំនើងចិត្ត ដោយរំលោភបំពានខុសពីបទបញ្ញាត្តិនៃច្បាប់នេះដូចជា ការប៉ះ ពាល់នៃរូបរាង្គកាយ ឬធ្វើឲ្យខូតខាចទ្រព្យសម្បត្តិដល់បុគ្គលដទៃត្រូវទទួលសុខត្រូវចំពោះមុខច្បាប់នៃព្រះរាជាណាចក្រកម្ពុជា» ។
សូមជម្រាបថា សេចក្តីព្រាងច្បាប់នេះមាន១២មាត្រា និង៥ជំពូក ។ សេចក្តីព្រាងច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្នត្រូវបានរៀបចំឡើងដោយអនុលោមតាមស្មារតីនៃមាត្រា២២ថ្មី នៃរដ្ឋធម្មនុញ្ញនៃព្រះរាជាណាចក្រ កម្ពុជាដែលចែងថា« នៅពេលប្រជាជាតិប្រឈមមុខនឹងគ្រោះថ្នាក់ ព្រះមហាក្សត្រប្រកាសប្រទានដំណឹងជាសាធារណៈដាក់ប្រទេសជាតិស្ថិតក្នុងភាពអាសន្ន ក្រោយពីបានមតិឯកភាពពីនាយករដ្ឋមន្ត្រី ប្រធានរដ្ឋ ប្រធានព្រឹទ្ធសភា »។
ច្បាប់នេះចានចែងពីវិធានាការក្នុងពេលប្រទេសជាតិក្នុងភាពអាសន្ន ត្រូវបានផ្តល់សិទ្ធិឲ្យរាជរដ្ឋាភិបាលចេញវិធានការដូចជា៖ ១.ការហាមឃាត់ ឬ ការកម្រិតសិទ្ធិសេរីភាពក្នុងការធ្វើដំណើរ ។ ២.ការហាមឃាត់ ឬការកម្រិតសិទ្ធិសេរី ភាពក្នុងការជួបជុំ ឬការប្រមូលផ្តុំមនុស្ស ។ ៣. ការហាមឃាត់ ឬការកម្រិតការធ្វើស កម្មភាពការងារ ឬមុខរបរ ។ ៤. ការហាមឃាត់ ឬការកម្រិតឲ្យបុគ្គលចេញពីលំនៅឋាន ឬទី សំណាក់ណាមួយ ។
៥. ការដាក់ចេញវិធានការចត្ថឡីស័ក ឬការដាក់ឲ្យនៅដោយឡែកក្នុងករណីគ្រោះអាសន្ន បន្ទាន់ចំពោះសុខភាពសាធារណៈបណ្តាលមកពីការឆ្លងរាលដាលជំងឺ ។ ៦. ការដាក់ចេញវិធានាការទាក់ទងនឹងកំណែន និងជម្លៀសពលរដ្ឋ ដើម្បីឆ្លើយតបចំពោះភាពអាសន្ន ។ ៧. ការដាក់ចេញវិធានការទាក់ទងនឹងកំណែនដកហូតគ្រប់គ្រង និងចាត់ចែងទ្រព្យសម្បត្តិ និងសេវាដែលមានភាពចាំបាច់ ដើម្បីឆ្លើយតបចំពោះភាពអាសន្ន ។
នីតិវិធីនៃការធ្វើកំណែន និងសំណងត្រូវកំណត់ដោយរាជរដ្ឋាភិបាល ។ ៨. ការដាក់ចេញវិធានាការទាក់ទង និងការកំណត់ថ្លៃទំនិញ និងសេវា ដែលមានភាពចាំបាច់ដើម្បីឆ្លើយតបចំពោះអាសន្ន។ ៩. ការដាក់ចេញវិធានការទាក់ទងនឹងការបិទទីតាំងសាធារណៈ ឬឯកជនណាមួយ ដែលមានភាព ចាំបាច់ដើម្បីឆ្លើយតបចំពោះភាពអាសន្ន ។ ១០.ការដាក់ចេញនូវវិធានការឃ្លាំមើល និងតាមដានគ្រប់មធ្យោបាយ ដើម្បីទទួលបានព័ត៌មាន តាមរយៈប្រព័ន្ធទំនាក់ទំនងទូរគមនាគមន៍ គ្រប់រូបភាពក្នុងគោលបំណងឆ្លើយតបចំពោះភាពអាសន្ន ។
១១.ការហាមឃាត់ ឬការកម្រិតចែកចាយ ឬការផ្សព្វផ្សាយព័ត៌មាន ដែលអាចបង្កឲ្យមានការភ័យខ្លាចដល់សាធារណជន ឬចលាចល ឬដែលនាំឲ្យខូចខាតដល់សន្តិសុខជាតិ ឬធ្វើឲ្យមានការភាន់ច្រឡំអំពីស្ថានភាពនៃភាពអាសន្ន ។ ១២. ការដាក់ចេញវិធានការដទៃទៀតសមស្រប និងចាំបាច់ដើម្បីឆ្លើយតបចំពោះភាពអាសន្ន ៕
ចែករំលែកព័តមាននេះ