រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១០ មេសា ឆ្នាំ២០២០ នៅទីតាំងផ្លូវជាតិលេខ៦ គណៈបញ្ជាការឯកភាពខណ្ឌជ្រោយចង្វាបានបិទនៅចំណុចស្ពានទី៦ កែងផ្លូវលីយ៉ុងផាត់ ។…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១០ មេសា ឆ្នាំ២០២០ នៅទីតាំងផ្លូវជាតិលេខ៦ គណៈបញ្ជាការឯកភាពខណ្ឌជ្រោយចង្វាបានបិទនៅចំណុចស្ពានទី៦ កែងផ្លូវលីយ៉ុងផាត់ ។ ជាការកត់សម្គាល់ គណៈបញ្ជាការឯកភាពខណ្ឌជ្រោយចង្វា គឺខុសពីគណៈបញ្ជាការឯកភាពខណ្ឌព្រែកព្នៅ ដែលគណៈបញ្ជាការឯកភាពខណ្ឌជ្រោយចង្វាបានដាក់បារ៉ាស់បិទទាំងស្រុងតែម្តង ធ្វើឱ្យកកស្ទះចរាចរណ៍ផងដែរ ។
គេសង្កេតឃើញថា ផ្លូវជាតិលេខ៦ គឺត្រូវបានបិទទាំងស្រុងតែម្តង ទោះបីជាមានរថយន្តដឹកទំនិញក៏មិនអនុញ្ញាតឱ្យធ្វើដំណើរចេញដែរ ។
តាមសេចក្តីរាយការណ៍បានបន្តថា មិនមែនបិទផ្លូវទាំងស្រុងនោះទេ គឺដោយសារតែពេលនោះមានរថយន្តតាក់ស៊ីសម្រុកមកធ្វើឱ្យស្ទះចរាចរណ៍ណែនណាន់តាន់តាប់ ហើយក៏បានធ្វើឱ្យរថយន្តមន្ត្រីរាជការ ក៏ដូចជារថយន្តដឹកទំនិញកកស្ទះទៅតាមស្ថានភាពបែបនោះផងដែរ ដោយសារតែពេលបិទចរាចរណ៍នោះគឺអ្នកដំណើរមិនព្រមត្រឡប់ថយក្រោយទេ ធ្វើឱ្យជាប់គាំងស្ទះកណ្តាលផ្លូវតែម្តង ។
ដោយឡែកនៅផ្លូវជាតិលេខ៥ អនុញ្ញាតឱ្យធ្វើចរាចរណ៍ចេញបានម្នាក់ ឬ២នាក់ លើកលែងតែរថយន្តដឹកអ្នកដំណើរច្រើន ដោយឡែករថយន្តខ្លះមិនបានត្រួតពិនិត្យនោះទេ ក៏បានចេញទៅយ៉ាងរលូនរួមជាមួយម៉ូតូផងដែរ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ