រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ផឹកស្រាស្រវឹងស្រា រួចដើរគោះទ្វារបន្ទប់គេពេញផ្ទះជួល ថែមទាំងយកដុំឥដ្ឋទៅវាយលើបុរសម្នាក់នៅក្នុងបន្ទប់ជួល បណ្តាលឲ្យរងរបួសយ៉ាងធ្ងន់ធ្ងរ បង្កឱ្យមានការភ្ញាក់ផ្អើលកាលពីម៉ោង៨និង៣០នាទីយប់ ថ្ងៃទី០៩ ខែមេសា…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ផឹកស្រាស្រវឹងស្រា រួចដើរគោះទ្វារបន្ទប់គេពេញផ្ទះជួល ថែមទាំងយកដុំឥដ្ឋទៅវាយលើបុរសម្នាក់នៅក្នុងបន្ទប់ជួល បណ្តាលឲ្យរងរបួសយ៉ាងធ្ងន់ធ្ងរ បង្កឱ្យមានការភ្ញាក់ផ្អើលកាលពីម៉ោង៨និង៣០នាទីយប់ ថ្ងៃទី០៩ ខែមេសា ឆ្នាំ២០២០ នៅចំណុចផ្ទះជួលមួយកន្លែង ស្ថិតក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា បុរសដើរគោះទ្វារបន្ទប់ខាងលើឈ្មោះ យឿន សុដាវុធ ភេទប្រុស អាយុ២២ឆ្នាំ មុខរបរនៅផ្ទះ មានទីលំនៅភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ ។ ចំណែកជនរងគ្រោះឈ្មោះ កោ ពៅ ភេទប្រុស អាយុ៣០ឆ្នាំ មុខរបរនៅផ្ទះជួលលេខ១៦ ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនកើតហេតុ បុរសជាជនបង្កខាងលើនេះ បានផឹកស្រាស្រវឹងជោកជាំ ហើយដើរគោះទ្វារបន្ទប់គេពេញផ្ទះជួលនៅកន្លែងកើតហេតុ បន្ទាប់មកស្រាប់តែឃើញបន្ទប់ជនរងគ្រោះមិនបានបិទទ្វារ ក៏យកដុំឥដ្ឋវាយទៅលើជនរងគ្រោះ បណ្តាលឲ្យបែកមុខ និងបែកមាត់ ថែមទាំងបាក់ធ្មេញអស់៤ទៀត។
ប្រភពដដែលបន្តថា ក្រោយពេលវាយបុរសរងគ្រោះខាងលើរួច ជនបង្ករូបនេះក៏រត់គេចខ្លួនបាត់ពីកន្លែងកើតហេតុតែម្តង។ ភ្លាមៗនោះផងដែរ លោកមេភូមិព្រៃស្វាយ បានតេទូរស័ព្ទទាក់ទងទៅលោកនាយប៉ុសិ៍ចោមចៅទី៣ ក្រោយមកលោកមេប៉ុស្តិ៍ចោមចៅទី៣ ក៏បានដឹកនាំកម្លាំងនគរបាល ព្រមទាំងប្រជាការពារភូមិចុះទៅអន្តរាគមន៍ដល់កន្លែងកើតហេតុភ្លាមៗហើយក៏សួរនាំពីភិនភាគជនបង្ក រួចក៏ដឹកនាំកម្លាំងទៅតាមរុករក រួចក៏ចាប់ឃាត់ខ្លួនជនបង្កបានភ្លាមៗផងដែរ និងនាំយកមកប៉ុស្តិ៍ចោមចៅទី៣ ដើម្បីសួរនាំ។
ចំណែកជនរងគ្រោះដោយរងរបួសធ្ងន់ពេក ក៏ត្រូវបានក្រុមគ្រួសារដឹករ៉ឺម៉កម៉ូតូកង់បីយកទៅព្យាបាលរបួស រួចហើយបានមកដាក់ពាកបណ្ដឹងនៅប៉ុស្តិ៍នគរបាលចោមចៅទី៣។
ក្រោយពេលកើតហេតុ ជនបង្កបានសារភាពថា ខ្លួនពិតជាវាយទៅលើជនរងគ្រោះពិតប្រាកដមែន ហើយសមត្ថកិច្ចកសាងសំណុំបញ្ជួនជនបង្កទៅផ្នែកព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធី ៕ (កែសម្រួលដោយ ៖ បុប្ផា)
ចែករំលែកព័តមាននេះ