រាជធានីភ្នំពេញ ៖ រដ្ឋាភិបាលដឹកនាំដោយនាយករដ្ឋមន្ត្រី ហ៊ុន សែន ដែលបានការគាំទ្រ និងការឯកភាពពីគណៈកម្មាធិការជាតិប្រយុទ្ធប្រឆាំងជំងឺកូវីដ-១៩ បានសម្រេចបិទមិនឲ្យពលរដ្ឋធ្វើចរាចរណ៍ពីភ្នំពេញទៅកាន់បណ្តាខេត្ត ឬពីខេត្តមួយទៅកាន់ខេត្តមួយឡើយ ក្នុងអំឡុងពេលបុណ្យចូលឆ្នាំខ្មែរខាងមុខនេះ…
រាជធានីភ្នំពេញ ៖ រដ្ឋាភិបាលដឹកនាំដោយនាយករដ្ឋមន្ត្រី ហ៊ុន សែន ដែលបានការគាំទ្រ និងការឯកភាពពីគណៈកម្មាធិការជាតិប្រយុទ្ធប្រឆាំងជំងឺកូវីដ-១៩ បានសម្រេចបិទមិនឲ្យពលរដ្ឋធ្វើចរាចរណ៍ពីភ្នំពេញទៅកាន់បណ្តាខេត្ត ឬពីខេត្តមួយទៅកាន់ខេត្តមួយឡើយ ក្នុងអំឡុងពេលបុណ្យចូលឆ្នាំខ្មែរខាងមុខនេះ ពោលគឺចាប់ពីវេលាម៉ោង១២យប់ថ្ងៃទី៩ ដល់ ១៦ ខែមេសា ឆ្នាំ២០២០។
ទាក់ទិនការអនុវត្តបទបញ្ជារបស់រាជរដ្ឋាភិបាលនេះ លោកសុខ ពេញវុធ អភិបាលខណ្ឌដូនពេញបានមានប្រសាសន៍ថា កងកម្លាំងប្រជាការពារសហការជាមួយនគរបាលខណ្ឌដូនពេញបាននឹងកំពុងអនុវត្តបទបញ្ជាសម្តេចតេជោ នៅព្រឹកថ្ងៃទី១០ ខែមេសា ឆ្នាំ២០២០ ចំណុចក្បាលស្ពានជ្រោយចង្វារត្រើយខាងលិច ចំណុចផ្លូវជាតិលខ៥កែងផ្លូវលេខ៦៨ស្ថិតក្នុង សង្កាត់ស្រះចក និងចំណុចមួយទៀតគឺកំពង់ចម្លងអរីយក្សត្រ ស្ថិតក្នុងសង្កាត់ចតុមុខ ខណ្ឌដូនពេញ រាជធានីរាជធានីភ្នំពេញ ដោយសហការជាមួយកម្លាំងសមត្ថិកិច្ចស្រុកល្វាឯម ខេត្តកណ្តាល ។
លោកអភិបាលខណ្ឌដូនពេញក៏បានបញ្ជាក់ផងដែរថា ៖ដោយឡែករថយន្តក្រុងដឹកអ្នកដំណើរក៏បានអនុវត្តតាមការណែនាំរបស់ប្រមុខរាជរដ្ឋាភិបាលរថយន្តដឹកដំណើរបានចេញសេក្តីជូនដំណឹងថា ផ្អាកការដឹកអ្នកដំណើរទៅតាមបណ្តាលខេត្តចាប់ពីថ្ងៃទី១០ដល់ថ្ងៃទី១៦ ខែមេសា ឆ្នាំ២០២០ ផងដែរ ។
នៅព្រឹកថ្ងៃទី១០ មេសា ដែលជាថ្ងៃដំបូងក្នុងការអនុវត្តន៍បទបញ្ជារបស់រាជរដ្ឋាភិបាលដឹកនាំដោយនាយករដ្ឋមន្ត្រី ហ៊ុន សែន ហើយដែលបានការគាំទ្រ និងការឯកភាពពីគណៈកម្មាធិការជាតិប្រយុទ្ធប្រឆាំងជំងឺកូវីដ-១៩ បានសម្រេចបិទមិនឲ្យពលរដ្ឋធ្វើចរាចរណ៍ពីភ្នំពេញទៅកាន់បណ្តាខេត្ត ឬពីខេត្តមួយទៅកាន់ខេត្តមួយឡើយ ក្នុងអំឡុងពេលបុណ្យចូលឆ្នាំខ្មែរខាងមុខនេះ ពោលគឺចាប់ពីវេលាយប់រំលងអាធ្រាត្រថ្ងៃទី៩ ដល់ ១៦ ខែមេសា ឆ្នាំ២០២០។
គេសង្កេតឃើញាថា ៖ នៅតាមបណ្តាវិថីនានាក្នុងរាជធានីភ្នំពេញការធ្វើដំណើរតាមរថយន្តមានការថយចុះច្រើន ដូចជានៅស្ពានជ្រោយចង្វា រីឯនៅកំពង់ចម្លងដរអរិយក្សត្រវិញមិនសូវមានមនុស្សឆ្លងកាត់ផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ