រាជធានីភ្នំពេញ ៖ តំណាងរបស់លោកឧត្តមសេនីយ៍ឯក ហ៊ុន ម៉ានិត អគ្គនាយកអគ្គនាយដ្ឋានស្រាវជ្រាវ-ចារកិច្ច នៃក្រសួងការពារជាតិ បានទទួលអំណោយមនុស្សធម៌នូវទឹកពិសាធម្មជាតិ ប្រូវីដា ចំនួន ៥០០០ កេស ពីលោកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ដូនពេញ (ខេមបូឌា) គ្រុប និងលោកជំទាវ សម្រាប់ប្រើប្រាស់ក្នុងកម្មវិធីប្រយុទ្ធប្រឆាំងការរីករាលដាលនៃជំងឺ COVID-19 របស់អគ្គនាយករដ្ឋាន ។
អគ្គនាយកដ្ឋានស្រាវជ្រាវ-ចារកិច្ច សូមថ្លែងអំណរគុណយ៉ាងជ្រាលជ្រៅបំផុតចំពោះលោកឧកញ៉ា និងលោកជំទាវ ជាសប្បុរសជនដែលបានបរិច្ចាគនូវធនធានផ្ទាល់ខ្លួនដោយទឹកចិត្តជ្រះថ្លា នៅក្នុងកម្មវិធីប្រយុទ្ធប្រឆាំងការរីករាលដាលនៃជំងឺ COVID-19 មិនត្រឹមតែជាមួយក្រសួងការពារជាតិ ថែមទាំងជាមួយរាជរដ្ឋាភិបាល និងប្រជាជនជារួម ។
ប្រូវីដា ជាទឹកពិសាធម្មជាតិទី ១ នៅកម្ពុជា មានប្រភពចេញពីព្រៃត្រូពិចធម្មជាតិនាជួរភ្នំខេត្តកំពត ដែលសម្បូរទៅដោយសារធាតុរ៉ែច្រើនប្រភេទដូចជា៖ សូដ្យូម ប៉ូតាស្យូម ម៉ាញ៉េស្យូម កាល់ស្យូម សម្រាប់សុខភាពអ្នក និងក្រុមគ្រួសារ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ