សហរដ្ឋអាមេរិក ៖ ខណៈអ្នកទាំងពីរមើលទៅមានសុខភាពរឹងមាំល្អ ដូចចំណងអាពាហ៍ពិពាហ៍រយៈពេល ៥១ ឆ្នាំដែលរឹងមាំគ្មាននរណាអាចបំបែកបាន តែនៅទីបំផុតរឿងនឹកស្មានមិនដល់បានកើតឡើង ដោយសារតែជំងឺរលាកសួតថ្មីបង្កឡើងដោយវីរុសកូវីដ ១៩ បានឆក់យកជីវិតគូស្នេហ៍មួយគូនេះក្នុងថ្ងៃតែមួយ…
សហរដ្ឋអាមេរិក ៖ ខណៈអ្នកទាំងពីរមើលទៅមានសុខភាពរឹងមាំល្អ ដូចចំណងអាពាហ៍ពិពាហ៍រយៈពេល ៥១ ឆ្នាំដែលរឹងមាំគ្មាននរណាអាចបំបែកបាន តែនៅទីបំផុតរឿងនឹកស្មានមិនដល់បានកើតឡើង ដោយសារតែជំងឺរលាកសួតថ្មីបង្កឡើងដោយវីរុសកូវីដ ១៩ បានឆក់យកជីវិតគូស្នេហ៍មួយគូនេះក្នុងថ្ងៃតែមួយ ។
លោក Stuart Baker អាយុ ៧៤ ឆ្នាំ និងភរិយារបស់លោកនាង Adrian Baker វ័យ ៧២ ឆ្នាំ បានរៀបការនិងរស់នៅជាមួយគ្នាជាង ៥ ទស្សវត្ស នៅទីក្រុង Boynton Beach, រដ្ឋ Florida, ទីកន្លែងដែលពួកគេរស់នៅយ៉ាងផ្អែមល្អែមក្នុងនាមជានិវត្តន៍ជន ។
អ្នកទាំងពីរមានសុខភាពល្អប្រសើរ ក៏ប៉ុន្តែសុខៗស្រាប់តែនៅពាក់កណ្តាលខែ មីនា អ្នកទាំងពីរបានធ្លាក់ខ្លួនឈឺភ្លាមៗ ។ ចាត់ទុកជានិស្ស័យទោះមិនបានកើតថ្ងៃតែមួយ តែអ្នកទាំងពីរបានស្លាប់ដោយសារតែវីរុសកូវីដខុសគ្នា ត្រឹមតែ ៦ នាទី ។ នេះបើយោងតាមលោកBuddy Baker កូនប្រុសរបស់អ្នកទាំងពីរដែលបានប្រាប់សារព័ត៌មាន CNN ។
លោក Buddy Baker, បម្រើការនៅស្ថាប័នកីឡាធំមួយបាននិយាយជាសាធារណៈអំពីការបាត់បង់ឪពុកម្តាយរបស់គាត់ ដោយប្រើសោកនាដកម្មរបស់ក្រុមគ្រួសាររបស់គាត់ដើម្បីបញ្ជាក់ជាថ្មីពីភាពធ្ងន់ធ្ងរនៃជំងឺរាតត្បាតប្រភេទនេះ។ នៅក្នុងវីដេអូដែលត្រូវបានចែកចាយយ៉ាងទូលំទូលាយនៅលើបណ្តាញសង្គម Twitter លោក «បានជំរុញឱ្យប្រជាជនយកចិត្តទុកដាក់ចំពោះការរក្សាគម្លាតសង្គមនិងគួរស្នាក់នៅផ្ទះដែលណែនាំដោយមន្ត្រីសុខភាពសាធារណៈ» ។
លោក Baker បាននិយាយប្រាប់ CNN ថា «ទាល់តែវាកើតលើអ្នក ឬប៉ះលើនរណាម្នាក់ដែលអ្នកស្គាល់ ឬ អ្នកបានលឺរឿងណាមួយអំពីវីរុសនេះ នោះអ្នកនឹងមានអារម្មណ៍ថាត្រូវការពារខ្លួនចេញឲ្យឆ្ងាយពីវា» ៕
ចែករំលែកព័តមាននេះ