ខេត្តស្ទឹងត្រែង ៖ បុរសពីនាក់ត្រូវសត្វខ្លាឃ្មុំហក់មកខាំហែក បណ្តាលឱ្យរងរងរបួសធ្ងន់ធ្ងរលើផ្ទៃមុខស្ទើរខ្ទេចទាំង២នាក់ តែសំណាងណាស់ ពួកគេត្រូវបានដឹកទៅសង្គ្រោះទាន់ នៅមន្ទីរពេទ្យបង្អែកខេត្ត ដោយមិនប៉ះពាល់ដល់ជីវិតនោះទេ ។ ហេតុការណ៍បានកើតឡើង កាលពីយប់ថ្ងៃទី០៧ មេសា នៅចំណុចភ្នំកា
នូម ក្នុងភូមិគីរីវង្សាលើ ឃុំសន្តិភាព ស្រុកសៀមប៉ាង ខេត្តស្ទឹងត្រែង ។
សេចក្តីរាយការណ៍ឱ្យដឹងទៀតថា ជនរងគ្រោះទាំង២ មានទីលំនៅរស់នៅភូមិ គីរីវង្សាលើ ឃុំសន្តិភាព ស្រុកសៀមប៉ាង ខេត្តស្ទឹងត្រែង ដោយម្នាក់ឈ្មោះ អេន ញុំា អាយុ២២ឆ្នាំ និងម្នាក់ទៀត ឈ្មោ អើយ រេ អាយុ២៩ឆ្នាំ ទាំង២នាក់ជាជនជាតិដើមភាគតិច «កាវ៉ែត» ដូចគ្នា ។
តាមសម្តីរជនរងគ្រោះបានឱ្យកោះសន្តិភាពដឹងថា ពួកគាត់ចូលព្រៃដើម្បីរកបេះផ្លែសម្រង ។ ហើយពេលកំពុងរៀបចំកន្លែងដេកនៅក្នុងព្រៃយប់នោះ ស្រាប់តែលេចចេញសត្វខ្លាឃ្មុំបណ្តើរកូនមក ឃើញភ្លាមពួកគាត់ បានហក់មកខាំសង្គ្រប់ពីលើតែម្តង ។ ពេលនោះគាត់បានស្រែកហៅគេជួយ ហើយសំលេងហៅឱ្យជួយឮដល់អ្នកភូមិ និងនគរបាលប៉ុស្តិ៍បានក៏ចូលទៅព្រៃជួយសង្គ្រោះ ។
នេះជាការចែករំលែកទៅដល់បងប្អូន ដែលជាអ្នកដើរព្រៃ ត្រូវបង្កើនការប្រុងប្រយ័ត្នចំពោះសុវត្ថភាពឱ្យបានខ្ពស់បំផុត ។ នេះសំណាងហើយ ដែលមិនប៉ះពាល់អាយុជីវិត ។
ចែករំលែកព័តមាននេះ