សហរដ្ឋអាមេរិក៖ យោងតាមសាកលវិទ្យាល័យចនហុបគីនថា ចំនួនអ្នកឆ្លងវីរុសCOVID-19 នៅសហរដ្ឋអាមេរិកបានកើនលើសពី៣៨៣.០០០នាក់ហើយ គិតមកដល់ថ្ងៃទី៧ មេសា វេលាម៉ោង១៥ និង៣០នាទីម៉ោងក្នុងស្រុក ក្នុងនោះស្លាប់ជាង១២.០០០នាក់។
រដ្ឋញូវយ៉កចំណុចកណ្ដាលនៃការឆ្លងរងការប៉ះពាល់ខ្លាំងជាងគេដោយសារវីរុស ដោយអ្នកស្លាប់ថ្មីមានដល់ទៅ៧៣១នាក់រយៈពេល២៤ម៉ោងចុងក្រោយនេះ។ តុល្យការអ្នកស្លាប់ច្រើនបំផុត ធ្លាប់មានកាលពីថ្ងៃទី៤មេសានៅរដ្ឋញូវយ៉ក គឺ៦៣០នាក់រយៈពេល២៤ម៉ោង ។ ជាមួយអ្នកស្លាប់ថ្មី៧៣១នាក់នាំឲ្យចំនួនអ្នកស្លាប់ក្នុងរដ្ឋនោះ ឡើងដល់៥.៤៨៩នាក់តាំងពីចាប់ផ្ដើមមានការឆ្លងមក ត្រូវជាពាក់កណ្ដាលនៃចំនួនអ្នកស្លាប់សរុបនៅសហរដ្ឋអាមេរិក។
វិបត្តិសុខាភិបាល បណ្ដាលមកពីវីរុសCOVID-19 បើតាមអ្នកទទួលខុសត្រូវអាមេរិកម្នាក់ថា បានឈានចូលសប្ដាហ៍ដ៏សោកសៅបំផុត ដែលនាំឲ្យគេនឹកឃើញដល់អនុស្សាវរីយ៍ នៅPEARL HARBOR និងការវាយប្រហារភេរវកម្មថៃ្ងទី១១ កញ្ញា ២០០១ ។
លោកANDREW CUOMOអភិបាលរដ្ឋញូវយ៉ក បានសម្រេចពន្យារពេលការបង្ឋាំងមនុស្សរហូតដល់ថ្ងៃទី២៩មេសា ដោយលោកអះអាងថានៅមិនទាន់ដល់ពេលបន្ធូរដៃបាននៅឡើយ ៕
ចែករំលែកព័តមាននេះ