កីឡាករ Son Heung-min នឹងត្រូវបំពេញកាតព្វកិច្ចយោធារយៈពេល៤សប្តាហ៍របស់ខ្លួននៅក្នុងប្រទេសកំណើតនាចុងខែមេសា នេះបើតាមការបញ្ជាក់ពីក្លិបមាន់ខ្នាយមាស Tottenham Hotspur ។ក្នុងប្រទេសកូរ៉េខាងត្បូងមានច្បាប់មួយ ដែលតម្រូវឱ្យបុរសជនជាតិកូរ៉េទាំងអស់ត្រូវតែបំពេញកាតព្វកិច្ចយោធានៅអាយុ២៨ឆ្នាំ។ កីឡាករ…
កីឡាករ Son Heung-min នឹងត្រូវបំពេញកាតព្វកិច្ចយោធារយៈពេល៤សប្តាហ៍របស់ខ្លួននៅក្នុងប្រទេសកំណើតនាចុងខែមេសា នេះបើតាមការបញ្ជាក់ពីក្លិបមាន់ខ្នាយមាស Tottenham Hotspur ។
ក្នុងប្រទេសកូរ៉េខាងត្បូងមានច្បាប់មួយ ដែលតម្រូវឱ្យបុរសជនជាតិកូរ៉េទាំងអស់ត្រូវតែបំពេញកាតព្វកិច្ចយោធានៅអាយុ២៨ឆ្នាំ។
កីឡាករ Son ដែលបច្ចុប្បន្នមានវ័យ២៨ឆ្នាំកាលពីខែកក្កដា ត្រូវបានផ្តល់ការអនុញ្ញាតឱ្យត្រឡប់ទៅស្រុកកំណើតវិញកាលពីខែមុន ដើម្បីបន្តពន្យាបាលរបួសដៃរបស់គេដែលបានបាក់។
ក្លិបបាល់ទាត់ Tottenham Hotspur បានបញ្ជាក់ថា ខ្សែប្រយុទ្ធក្រុមបាល់ទាត់ជម្រើសជាតិកូរ៉េខាងត្បូងរូបនេះ នឹងវិលត្រឡប់មកកាន់ទីក្រុងឡុងដ៍ ចក្រភពអង់គ្លេសវិញ បន្ទាប់ពីការបញ្ចប់កាតព្វកិច្ចយោធារបស់គេនៅក្នុងខែឧសភា។
ក្នុងនោះ Son ក៏ចាំបាច់ត្រូវនៅដាច់ដោយឡែកពីគេសម្រាប់រយៈពេល ២សប្តាហ៍ ដើម្បីការពារប្រឆាំងនឹងចម្លងនៃវីរុស COVID-19 ក្រោយហោះហើរពីអង់គ្លេសមកកាន់កូរ៉េខាងត្បូង ។
សូមរលឹកជូនថា រូបគេទទួលបានការលើកលែងពីកាតព្វកិច្ចយោធារយៈពេល២១ខែ បន្ទាប់ពីបានជួយប្រទេសកូរ៉េខាងត្បូងឈ្នះការប្រកួតកីឡាអាស៊ីឆ្នាំ២០១៨ ប៉ុន្តែនៅតែត្រូវបំពេញកាតព្វកិច្ចនេះនៅរយៈពេល៤សប្តាហ៍ ៕ (ដកស្រង់ចេញពី BBC)
ចែករំលែកព័តមាននេះ