រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា សេចក្តីព្រាងច្បាប់ស្តីពីការគ្រង់គ្រងប្រទេសជាតិ ស្ថិតក្នុងភាពអាសន្នអាចនឹងត្រូវព្រឹទ្ធសភាអនុម័តក្រោយចូលឆ្នាំខ្មែរ ។ ការបញ្ជាក់របស់សម្តេចតេជោ ខណៈដែលគណៈកម្មាធិការអចិន្ត្រៃយ៍រដ្ឋសភាបានបញ្ជូនសេចក្តីព្រាងច្បាប់នេះ ទៅកាន់គណៈកម្មការជំនាញដើម្បីពិនិត្យ និងសិក្សានាព្រឹកថ្ងៃដដែលនេះ ។ សម្តេចតេជោ ហ៊ុន សែន បានថ្លែងក្នុងសន្និសីទសារព័ត៌មាន នៅថ្ងៃទី៧ មេសា យ៉ាងដូច្នេះថា «ព្រឹកថ្ងៃទី៧ មេសា នេះ គណៈអចិន្ត្រៃយរដ្ឋសភាបានបើកកិច្ចប្រជុំ ហើយក៏មានការជូនដំណឹងសភាថា នៅថ្ងៃទី១០ មេសា សភានឹងបើកសម័យប្រជុំ ពេលអង្គដើម្បីអនុម័តច្បាប់នេះ»។
សម្តេចបន្តថា ទោះបីជាសភាឆ្លងច្បាប់នេះ ស្តីពីក៏អាចចំណាយពេលវេលាប្រហែលជាមួយសប្តាហ៍ទៀត ដែលដល់ថ្ងៃចូលឆ្នាំខ្មែរហើយ នឹងឆ្លងកាត់ដៃព្រឹទ្ធសភា ហើយមិនអាចដឹងថា ព្រឹទ្ធសភាប្រជុំវិសាមញ្ញ ឬទោះបីជាយើងបានស្នើសុំព្រឹទ្ធសភារួចហើយ ប៉ុន្តែដោយសារសុវត្ថិភាពមិនដឹងថា ព្រឹទ្ធសភាអាចប្រជុំមុនចូលឆ្នាំបានឬអត់? ប៉ុន្តែបើប្រជុំបានក៏ច្បាប់នេះ ត្រូវក្រុមប្រឹក្សាធម្មនុញ្ញបើកកិច្ចប្រជុំពីធម្មនុញ្ញភាព។
សម្តេចបញ្ជាក់៖ «ថ្ងៃនេះទី៧ ហើយថ្ងៃសុក្រទី១០ មេសា រដ្ឋសភានឹងអនុម័ត ហើយដល់ព្រឹទ្ធសភាដល់ថ្ងៃទី១៣,១៤,១៥ ហើយអីញ្ចឹងទេច្បាប់អាចនឹងចូលជាធរមាន នៅថ្ងៃក្រោយចូលឆ្នាំខ្មែរ។ ចូលឆ្នាំនៅតែចូល គ្រាន់តែចូល តែឲ្យទទួលទេវត្តា តែមិនឲ្យឈប់សម្រាកទេ ដើម្បីកាត់បន្ថយហានិភ័យក្រោយចូលឆ្នាំ»។
លោកឡេង ប៉េងឡុងអ្នកនាំពាក្យរដ្ឋសភាបានឲ្យដឹងថាសេ ចក្តីព្រាងច្បាប់ស្តីពីការ គ្រប់គ្រងប្រទេសជាតិស្ថិតក្នុងភាពអាសន្ន ត្រូវបានប្រគល់ជូនគ ណៈកម្មការជំនាញពិនិត្យ និងសិក្សា។
លោកបន្តថា គណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជា បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកទី៧ ខែមេសា ឆ្នាំ២០២០ ដោយអង្គប្រជុំគណៈ កម្មកាធិការអចិន្ត្រៃយ៍រដ្ឋសភាបានធ្វើការពិភាក្សា និងអនុម័តតាមរបៀបវារៈ ដោយមា នលទ្ធផលអនុម័តទទួលស្គាល់ លោកជំទាវ នូ សុវណ្ណនី ជាតំណាងរាស្ត្រមណ្ឌលខេត្តតាកែវ ជំនួស លោក ជា វ៉ាន់ដេត ដែលបានសុំលាលែង។ ការប្រកាសសុពលភាព នៃអាណត្តិរបស់ លោកជំទាវ នូ សុវណ្ណនី ជាសមាជិការដ្ឋសភានីតិកាលទី៦ នឹងធ្វើឡើងនៅ ក្នុងសម័យប្រជុំរដ្ឋសភា នាពេលខាងមុខនេះ។
អង្គប្រជុំបានអនុម័តសំណើសុំផ្លាស់ប្តូរមុខតំណែងតំណាងរាស្ត្រ នៃគណប ក្សប្រជាជនកម្ពុជា ដើម្បីដាក់ជូនសម័យប្រជុំរដ្ឋសភា នាពេលខាងមុខ បោះឆ្នោតផ្តល់សេច ក្តីទុកចិត្ត ផ្ទេរ និងជ្រើសតាំង លោក ឡូយ សុផាត ជាប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក ជំនួស លោកជា វ៉ាន់ដេត ជ្រើសតាំង លោក ចាយ បូរិន ជាអនុប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ជំនួសលោកឡូយ សុផាត ។ ជ្រើសតាំង លោកជំទាវ លី គឹមលៀង ជាលេខាធិការគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ជំនួស លោក ចាយ បូរិន ជ្រើសតាំង លោក ស៊ូ ភិរិន្ទ ជាសមាជិ កគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ជំនួស លោកជំទាវ លី គឹមលៀង។
លោកបន្តថា អង្គប្រជុំបានអនុម័តប្រគល់សេចក្តីព្រាងច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្ន ដល់គណៈកម្មការនីតិកម្ម និងយុត្តិធម៌ នៃរដ្ឋសភា ដោយសហការជាមួយគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា ពិនិត្យ សិក្សា ហើយធ្វើរបាយការណ៍ជូន គណៈកម្មាធិការអចិន្ត្រៃយ៍រដ្ឋសភាវិញ៕
ចែករំលែកព័តមាននេះ