ព្រះបរមសាស្តាទ្រង់ហាមមិនឱ្យឧបាសកឧបាសិកាជួញជំនួញ៥ប្រការជាដាច់ខាត ព្រោះនាំឱ្យមានសីលវិបត្តិ និងដាច់ត្រៃសរណគមន៍ ។ ជំនួញ៥យ៉ាងដែលឧបាសកឧបាសិកាគួរចៀសឱ្យឆ្ងាយនោះគឺៈ
១-ជួញគ្រឿងសស្ត្រាវុធ បានដល់អាវុធគ្រប់ប្រភេទ រាប់តាំងពីដាវ កាំបិត ធ្នូ ស្នាទៅ
២-ជួញសត្វមានជីវិត រាប់តាំងពីមាន់ ទា គោ ក្របី រហូតដល់ជួញមនុស្សត្រូវហាមដាច់ខាត
៣-ជួញសាច់ ក្នុងទីនេះសំដៅយកសាច់មនុស្ស និងសាច់ដែលច្បាប់ហាមឃាត់ដទៃទៀត
៤-ជួញទឹកស្រវឹង បានដល់សុរា ទឹកត្នោតជូរ និងថ្នាំញៀន
៥-ជួញថ្នាំពិស ជាប្រភេទថ្នាំដែលអាចប្រហារជីវិតមនុស្សសត្វឱ្យវិនាសបាន ។
អ្នកមានសីលរូបណាចិញ្ចឹមជីវិតក្នុងជំនួញទាំង៥នេះសូម្បីតែមួយចំណុច ក៏ចាត់ទុកថាធ្វើខុសនឹងបម្រាមពុទ្ធបញ្ញត្តិ គឺដាច់ចាកភាវៈជាអ្នកគោរពព្រះពុទ្ធសាសនាក្នុងខណៈនោះភ្លាម ។ សាន សារិន
ចែករំលែកព័តមាននេះ