ក្លិបយក្សអេស្ប៉ាញទាំង៣ ផ្ញើសាររំលែកទុក្ខចំពោះមរណភាពបុគ្គលឆ្នើមម្នាក់
បុគ្គលឆ្នើមម្នាក់ក្នុងវិស័យបាល់ទាត់លោក Radomir Antic ដែលធ្លាប់ជាអ្នកចាត់ការទូទៅរបស់ក្លិបយក្សអេស្ប៉ាញទាំង៣ Real Madrid, Atletico Madrid និង Barcelona…
បុគ្គលឆ្នើមម្នាក់ក្នុងវិស័យបាល់ទាត់លោក Radomir Antic ដែលធ្លាប់ជាអ្នកចាត់ការទូទៅរបស់ក្លិបយក្សអេស្ប៉ាញទាំង៣ Real Madrid, Atletico Madrid និង Barcelona…
បុគ្គលឆ្នើមម្នាក់ក្នុងវិស័យបាល់ទាត់លោក Radomir Antic ដែលធ្លាប់ជាអ្នកចាត់ការទូទៅរបស់ក្លិបយក្សអេស្ប៉ាញទាំង៣ Real Madrid, Atletico Madrid និង Barcelona បានទទួលមរណភាពកាលពីម្សិលមិញក្នុងវ័យ៧១ឆ្នាំដោយរោគាពាធ ។
លោក Antic បានចំណាយពេល ៤ឆ្នាំជាមួយក្លិបបាល់ទាត់ Luton Town ក្នុងនាមជាខ្សែការពារដ៏រឹងមាំម្នាក់ ចន្លោះឆ្នាំ១៩៨០-១៩៨៤ ។
ជោគជ័យដ៏ធំបំផុតក្នុងអាជីពជាអ្នកចាត់ការក្លិបបាល់ទាត់របស់លោកគឺជាមួយក្លិប Atlético Madrid ដោយបានដឹកនាំក្រុមឈ្នះពានរង្វាន់លីគកំពូលអេស្ប៉ាញ La Liga និង Copa del Rey ក្នុងឆ្នាំ ១៩៩៦ ។
អតីតខ្សែការពារក្រុមបាល់ទាត់ជម្រើសជាតិយូហ្គោស្លាវីរូបនេះ ក៏ធ្លាប់បានដឹកនាំក្រុមបាល់ទាត់ជម្រើសជាតិស៊ែប៊ីផងដែរ។
ទាំងក្លិប Luton Town, Real Madrid, Atletico Madrid និង Barcelona បានសម្តែងការចូលរួមរំលែកទុក្ខដ៏ក្រៀមក្រំបំផុត ចំពោះមរណភាពរបស់លោក Radomir Antic ។
សូមបញ្ជាក់ថាលោក Radomir Antic ក៏ធ្លាប់បានដឹកនាំក្រុម Real Madrid នៅឆ្នាំ ១៩៩១/៩២ និងក្រុម Barcelona នៅឆ្នាំ ២០០៣ ហើយបានធ្វើឱ្យលោកក្លាយជាបុគ្គលទី២ ដែលមានប្រវិត្តដឹកនាំក្លិបទាំង២នេះ ៕ (ដកស្រង់ចេញពី BBC)
ចែករំលែកព័តមាននេះ