ម្តាយរបស់អ្នកចាត់ការទូទៅក្លិប Manchester City បាត់បង់ជីវិតដោយកូវីដ១៩
ម្តាយរបស់លោក Pep Guardiola អ្នកចាត់ការទូទៅរបស់ក្លិប Manchester City គឺលោកស្រី Dolors Sala Carrio…
ម្តាយរបស់លោក Pep Guardiola អ្នកចាត់ការទូទៅរបស់ក្លិប Manchester City គឺលោកស្រី Dolors Sala Carrio បានទទួលមរណភាពហើយ កាលពីម្សិលមិញ ក្នុងវ័យ៨២ឆ្នាំនៅទីក្រុងបាសេឡូណា ប្រទេសអេស្ប៉ាញ បន្ទាប់ពីឆ្លងវីរុស COVID-19 នេះបើយោងតាមការចុះផ្សាយពី BBC ។
នៅលើប្រព័ន្ធផ្សព្វផ្សាយសង្គមរបស់ក្លិប Manchester City បានបញ្ជាក់ឱ្យដឹងថា«អ្នកគ្រប់គ្នាទាំងអស់សូមចូលរួមជាមួយក្លិប ដើម្បីផ្ញើការអាណិតអាសូរអស់ពីចិត្តនៅពេលវេលាដ៏សែនឈឺចាប់បំផុតនេះដល់លោក Pep គ្រួសាររបស់លោក និងមិត្តភក្តិទាំងអស់» ។
កាលពីខែមុនលោក Pep Guardiola ទើបតែបានបរិច្ចាគ ១លានអឺរ៉ូ ដើម្បីជួយក្នុងការប្រយុទ្ធប្រឆាំងនឹងការផ្ទុះឡើងនៃវីរុស ដែលបានឆ្លងរីករាលដាលដល់ប្រជាជនទូទាំងពិភពលោកជាង ១,៣៤៦,០០០ករណី និងចំនួនអ្នកបាត់បង់ជីវិតបានកើនឡើងដល់ ៧៤,៦៥៤នាក់គិតត្រឹមព្រឹកថ្ងៃទី ៧ ខែ មេសា នេះ ។
ជាមួយគ្នានេះក្លិបបិសាចក្រហម Manchester United និងអតីតក្លិបចាស់របស់លោក Barcelona ក៏បានផ្ញើសារចូលរួមរំលែកទុក្ខចំពោះក៏បាត់បង់នេះ ៕
ចែករំលែកព័តមាននេះ