រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ម្ចាស់ផ្ទះកំពុងតែសំរាកយ៉ាងលង់លក់នៅក្នុងផ្ទះរបស់គាត់ជាន់ទី2 ស្រាប់តែបាក់វេរ៉ង់ដា ខាងមុខផ្ទះបង្កឱ្យមានការភ្ញាក់ផ្អើលទាំងសមត្ថកិច្ច និងបងប្អូនអ្នកជិតខាងនាំគ្នាភ័យស្លន់ស្លោ កាលពីម៉ោង2រំលងអធ្រាត្រឈានចូលថ្ងៃទី7 ខែមេសា ឆ្នាំ2020…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ម្ចាស់ផ្ទះកំពុងតែសំរាកយ៉ាងលង់លក់នៅក្នុងផ្ទះរបស់គាត់ជាន់ទី2 ស្រាប់តែបាក់វេរ៉ង់ដា ខាងមុខផ្ទះបង្កឱ្យមានការភ្ញាក់ផ្អើលទាំងសមត្ថកិច្ច និងបងប្អូនអ្នកជិតខាងនាំគ្នាភ័យស្លន់ស្លោ កាលពីម៉ោង2រំលងអធ្រាត្រឈានចូលថ្ងៃទី7 ខែមេសា ឆ្នាំ2020 តាមបណ្តោយផ្លូវ215 កែងផ្លូវ146 នៅចំណុចម្តុំបុរីកីឡាផ្ទះលេខ 86Aed ជាន់ទី2 ស្ថិតក្នុងភូមិ៥ សង្កាត់វាលវង់ ខណ្ឌ៧មករា ។
សេចក្តីរាយការណ៍បន្តថា ជនរងគ្រោះជាម្ចាស់ផ្ទះមានឈ្មោះ ចិន សុវណ្ណនី ភេទស្រី អាយុ35ឆ្នាំ មានមុខបរអ្នករត់ម៉ូតូឌុប ស្នាក់នៅផ្ទះកើតហេតុផ្ទះលេខ86AEd ផ្លូវ លេខ146 ភូមិ៥ សង្កាត់វាលវង់ ខណ្ឌ៧មករា ។
តាមប្រភបពីសមត្ថកិច្ចបានឱ្យដឹងថា មុនពេលកើតហេតុខាងលើនេះ គឺមានបងប្អូនប្រជាពលរដ្ឋ និងអ្នកជិតខាង ដែលរស់នៅម្តុំនឹងកន្លែងកើតហេតុ បានទូរស័ព្ទរាយការណ៍ប្រាប់ថា ម្ចាស់ផ្ទះកំពុងតែសំរាកលង់លក់ ស្រាប់តែមុខផ្ទះរបស់គាត់វេរ៉ង់ដាខាងមុខបានបាក់ស្រុត បង្កឱ្យមានការភ្ញាក់ផ្អើល និងមានការភ័យខ្លាចពីបងប្អូនប្រជាពលរដ្ឋ និងម្ចាស់ផ្ទះ ទើបកម្លាំងជំនាញប៉ុស្តិ៍រដ្ឋបាលនគរបាលនាំគ្នាចុះមកអន្តរាគមន៍ភ្លាម ។
ប្រភពដដែលបន្តថា ខណៈពេលសមត្ថកិច្ចមកដល់ឃើញថា ផ្ទះមួយល្វែងបានបាក់ស្រុតវេរ៉ង់ដាខាងមុខជាន់ទី២ ហើយក៏មានផ្ទះផ្សេងនៅជាប់នោះទៀត ។ ខណៈពេលនោះ គឺមិនហ៊ានឲ្យម្ចាស់ផ្ទះចេញមកខាងមុខផ្ទះចុះមកតាមជណ្តើរនោះទេ ព្រោះខ្លាចមានគ្រោះថ្នាក់ ។ ក្រោយមកសមត្ថកិច្ចក៏បានហៅរថយន្តពន្លត់អគ្គិភ័យរបស់ស្នងការរាជធានីភ្នំពេញ ដែលមានជណ្តើរយកមកហូតដាក់ជណ្តើរឡើងទៅជួយសង្គ្រោះម្ចាស់ផ្ទះ ដែលមានក្មេងចាស់ប្រុសស្រី ដើម្បីនាំពួកគេចុះតាមជណ្តើររថយន្តពន្លត់អគ្គីភ័យមកខាងក្រោមផ្ទះដោយមិនមានអ្នករងរបួសទេ ។
ក្រោយពេលកើតហេតុ គណៈបញ្ជាការឯកភាពខណ្ឌ៧មករា រួមនឹងសមត្ថកិច្ចនៃអធិការដ្ឋាននគរបាលខណ្ឌ៧មករា នឹងចុះមកពិនិត្យជុំវិញកន្លែងកើតហេតុផងដែរ ៕ (កែសម្រួលដោយ ៖ បុប្ផា)
ចែករំលែកព័តមាននេះ