មហាសង្ក្រាន្តឆ្នាំនេះទេវតានាមគោរាគទេវីចុះមករក្សាមនុស្សលោក
មហាសង្ក្រាន្តឆ្នាំថ្មីនឹងចូលមកដល់នៅវេលាម៉ោង២០និង៤៨នាទីយប់ ថ្ងៃចន្ទ ៦រោច ខែចែត្រ ត្រូវនឹងថ្ងៃទី១៣ ខែមេសា គ្រិស្តសករាជ២០២០ ជាថ្ងៃចូលឆ្នាំជូត ទោស័ក ព.ស…
មហាសង្ក្រាន្តឆ្នាំថ្មីនឹងចូលមកដល់នៅវេលាម៉ោង២០និង៤៨នាទីយប់ ថ្ងៃចន្ទ ៦រោច ខែចែត្រ ត្រូវនឹងថ្ងៃទី១៣ ខែមេសា គ្រិស្តសករាជ២០២០ ជាថ្ងៃចូលឆ្នាំជូត ទោស័ក ព.ស ២៥៦៤ ជាវារៈមហាសង្ក្រាន្តឆ្នាំថ្មី ។
ពេលនោះមានទេវធីតាមួយព្រះអង្គជាមគ្គនាយិកាព្រះនាម គោរាគទេវី ជាបុត្រីទី២នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌លឿង លម្អនូវព្រះកាណ៌ដោយសៀតផ្កាអង្គាបុស្ប អាភរណៈទ្រង់ពាក់កែវមុក្តា ភក្សាហារទ្រង់សោយ តេលំ (ប្រេងសណ្តែក-ល្ង) ។ អាវុធព្រះហស្តស្តាំទ្រង់ព្រះខ័ន ព្រះហស្តឆ្វេង ទ្រង់យដ្ឋិ (ឈើច្រត់) គង់ផ្ទំបើកព្រះនេត្រលើខ្នង ព្យគ្ឃៈ (ខ្លាធំ) ជាពាហនៈ ។
សូមអស់ប្រជាពលរដ្ឋប្រុសស្រីផងទាំងឡាយរៀបចំពលិការ គ្រឿងសក្ការបូជា អុចប្រទីបជ្វាលាថ្វាយព្រះរតនត្រ័យនិងទទួលស្វាគមន៍ទេវធីតាឆ្នាំថ្មី ហើយខំលះបង់ចិត្តអាក្រក់អន្យតិរ្ថិយជាចិត្តអប្រិយជាប់ដោយគំនុំគុំកួនព្យាបាទឈ្នានីសដែលកើតមានក្នុងឆ្នាំចាស់ឱ្យជ្រះស្រឡះ តាំងចិត្តប្រព្រឹត្តល្អ ធ្វើបុណ្យសុន្ទរ៍ទានតាមប្រពៃណី រក្សាសីលប្រាំឱ្យបានជាប់ជានិច្ច នោះទេវតានិងឱ្យពរសព្ទសាធុការ លោកអ្នកនឹងមានសិរីសួស្តី សុភមង្គលវិបុលសុខគ្រប់ប្រការតាំងពីឆ្នាំថ្មីនេះតរៀទៅ ។ សាន សារិន
ចែករំលែកព័តមាននេះ