ប្រជាជនកម្ពុជាមានការសប្បាយចិត្តខ្លាំងនៅពេលដែលទទួលដំណឹងអំពីចំនួនអ្នកជំងឺកូវីដ១៩បានជាសះស្បើយកាន់តែច្រើន ហើយគ្មានករណីថ្មីនៃជំងឺនេះបីថ្ងៃជាប់គ្នា។ ជយោគ្រូពេទ្យកម្ពុជា! លទ្ឋផលល្អរហូតមកដល់ពេលនេះ នៃការប្រយុទ្ធនឹងមេរោគកូវីដ១៩ គឺជាផ្លែផ្កានៃការសាមគ្គីភាពរបស់ប្រជាជនកម្ពុជា រដ្ឋាភិបាល និង ពិសេសគ្រូពេទ្យកម្ពុជា។ គ្រូពេទ្យកម្ពុជា…
ប្រជាជនកម្ពុជាមានការសប្បាយចិត្តខ្លាំងនៅពេលដែលទទួលដំណឹងអំពីចំនួនអ្នកជំងឺកូវីដ១៩បានជាសះស្បើយកាន់តែច្រើន ហើយគ្មានករណីថ្មីនៃជំងឺនេះបីថ្ងៃជាប់គ្នា។
ជយោគ្រូពេទ្យកម្ពុជា!
លទ្ឋផលល្អរហូតមកដល់ពេលនេះ នៃការប្រយុទ្ធនឹងមេរោគកូវីដ១៩ គឺជាផ្លែផ្កានៃការសាមគ្គីភាពរបស់ប្រជាជនកម្ពុជា រដ្ឋាភិបាល និង ពិសេសគ្រូពេទ្យកម្ពុជា។
គ្រូពេទ្យកម្ពុជា គឺជាកងទ័ពជួរមុខដែលចូលប្រឡូកផ្ទាល់ជាមួយនឹងមេរោគកូវីដ១៩។ ពួកគេបានបំពេញ បេសកកម្មយ៉ាងក្លាហានជាមួយនឹងពលីកម្មខ្ពស់និងប្រកបដោយការទទួលខុសត្រូវ។ ពួកគេបានឃ្លាត ឆ្ងាយពីប្រពន្ឋ កូន និងឪពុកម្តាយជាទីស្រឡាញ់ ដើម្បីសុខភាពនិងជីវិតរបស់ប្រជាជនកម្ពុជា។
កិច្ចប្រឹងប្រែងយ៉ាងក្លាហានរបស់គ្រូពេទ្យកម្ពុជាប្រយុទ្ធនឹងមេរោគកូវីដ១៩ បានបញ្ចេញ លទ្ធផល គួរអោយកោតសរសើររហូតមកដល់ពេលនេះ។
ប្រជាជនកម្ពុជាទាំងអស់ត្រូវតែផ្តល់ការគោរព ការដឹងគុណ និង ការកោតសរសើរចំពោះលទ្ធផល ជាទីគាប់ចិត្តនៅក្នុងការប្រយុទ្ធនឹងមេរោគកូវីដ១៩រហូតមកដល់ពេលនេះ។
ការយកចិត្តទុកដាក់យ៉ាងកក់ក្តៅពីរដ្ឋាភិបាលពិសេសពីសម្តេចតេជោ ហ៊ុន សែន បានធ្វើអោយ ក្រុមគ្រូពេទ្យកម្ពុជាបំពេញការងារយ៉ាងអស់ពីចិត្ត ដើម្បីសមនឹងការទុកចិត្តពី សម្តេចតេជោ រដ្ឋាភិបាល និង ប្រជាជនកម្ពុជា។
សម្តេចតេជោ ហ៊ុន សែន ជាញឹកញាប់បានបញ្ជាក់ពីភាពចាំបាច់ដែលត្រូវយកចិត្តទុកដាក់ដល់ក្រុមគ្រូពេទ្យអោយបានល្អ ដើម្បីពួកគេអាចបំពេញការងារបានមានប្រសិទ្ឋភាពហើយចៀសវាងពីការឆ្លងមេរោគកូវីដ១៩។
ខណៈដែលសញ្ញានៃភាពជោគជ័យក្នុងសមរភូមិប្រឆាំងកូវីដ១៩ បានលេចឡើងជាបន្តបន្ទាប់នោះ យើងគ្រប់គ្នាត្រូវតែបន្តគ្រាំទ្រដល់អ្នកក្លាហានម៉ាសមុខគឺគ្រូពេទ្យកម្ពុជា។ យើងមានការសង្ឃឹម យ៉ាងកក់ក្តៅថា ដំណើរផ្លូវឆ្ពោះទៅរកភាពជោគជ័យនេះនឹងបន្តមានជាប់រហូតដល់ពេលមួយដែលកម្ពុជាអាចប្រកាសបានថាអ្នកជំងឺកូវីដ១៩ទាំងអស់បានជាសះស្បើយហើយគ្មានករណីថ្មីត្រូវបានរកឃើញ។
ទីបញ្ជប់មួយបែបនេះ ពិតជានឹងអស្ចារ្យខ្លាំងណាស់ដែលមិនត្រឹមតែសម្រាប់សុខភាព និងជីវិត ប្រជាជនកម្ពុជាទេ ប៉ុន្តែសម្រាប់កេរ្ត៍ឈ្មោះប្រទេសកម្ពុជាទាំងមូល និងវិស័យសុខាភិបាលនៅកម្ពុជា។
វាក៏ជាភស្តុតាងមិនអាចប្រកែកបានអំពីសមត្ថភាពគ្រូពេទ្យកម្ពុជាហើយជាលទ្ធផលនឹងពង្រឹងដល់ការជឿទុកចិត្តទាំងក្នុង និងក្រៅប្រទេសចំពោះវិស័យសុខាភិបាលកម្ពុជា។
កម្ពុជាត្រូវតែបង្ហាញខ្លួនថា ជាប្រជាជាតិមួយដែលខ្លាំងនិងមានសមត្ថភាពតស៊ូបានគ្រប់ស្ថានភាពលំបាក៕ (កែសម្រួលដោយ ៖ បុប្ផា)
ចែករំលែកព័តមាននេះ