សហរដ្ឋអាមេរិក ៖ មន្ត្រីនាយកដ្ឋានពន្លត់អគ្គីភ័យបាននិយាយថា អគ្គិភ័យដែលបានរាលដាលពាសពេញតំបន់ស្មៅ នៃអាកាសយានដ្ឋានអន្តរជាតិភាគនិរតី Florida បានបំផ្លាញរថយន្តទុកសម្រាប់ជួលរាប់ពាន់គ្រឿង។ ហេតុការណ៍នៃភ្លើងឆាបឆេះបំផ្លាញអស់ឡានរាប់ពាន់គ្រឿង គឺចំពេលដែលសហរដ្ឋអាមេរិកកំពុងរងគ្រោះធ្ងន់ធ្ងរដោយសារឆ្លងវីរុសកូវីដ ១៩…
សហរដ្ឋអាមេរិក ៖ មន្ត្រីនាយកដ្ឋានពន្លត់អគ្គីភ័យបាននិយាយថា អគ្គិភ័យដែលបានរាលដាលពាសពេញតំបន់ស្មៅ នៃអាកាសយានដ្ឋានអន្តរជាតិភាគនិរតី Florida បានបំផ្លាញរថយន្តទុកសម្រាប់ជួលរាប់ពាន់គ្រឿង។
ហេតុការណ៍នៃភ្លើងឆាបឆេះបំផ្លាញអស់ឡានរាប់ពាន់គ្រឿង គឺចំពេលដែលសហរដ្ឋអាមេរិកកំពុងរងគ្រោះធ្ងន់ធ្ងរដោយសារឆ្លងវីរុសកូវីដ ១៩ ដែលគិតត្រឹមថ្ងៃអាទិត្យទី៥ ខែមេសា សហរដ្ឋអាមេរិក មានអ្នកឆ្លងកូវីដ១៩ ចំនួនប្រមាណ៣សែននាក់ និងស្លាប់ចំនួនប្រមាណ៨០៩៨នាក់។
មន្ត្រីនាយកដ្ឋានពន្លត់អគ្គិភ័យបាននិយាយថា អគ្គិភ័យនេះបានចាប់ផ្តើមកាលពីថ្ងៃសុក្រមានទំហំ ១៥ ហិចតា ហើយដើមឡើយមានតែរថយន្តចំនួន ២០ គ្រឿងប៉ុណ្ណោះ នៅក្នុងតំបន់ជួលឡានដឹកស្មៅនៅឯព្រលានយន្តហោះ តែការឆេះបានបន្តរីករាលដាលខ្លាំងឡើងៗ។
អ្នកនាំពាក្យរបស់អាជ្ញាធរកំពង់ផែ បានថ្លែងប្រាប់ទីភ្នាក់ងារសារព័ត៌មានស៊ីអិនអិនថា ភ្លើងបានឆាបឆេះកាន់តែខ្លាំងឡើង រហូតអណ្តាតភ្លើងបានបំផ្លាញរថយន្តជួលជាង ៣.៥០០ គ្រឿង។
លោកស្រី Melinda Avni អ្នកជំនាញនៃសេវាកម្មព្រៃឈើនៃរដ្ឋ Florida នៃរដ្ឋ Caloosahatchee បាននិយាយថា អាជ្ញាធរត្រូវបានគេហៅឱ្យពន្លត់ភ្លើងនៅម៉ោង ៥ ល្ងាច នៅថ្ងៃសុក្រ នៅពេលដែលភ្លើងបានឆក់យករថយន្តប្រមាណ ២០ គ្រឿង។
លោកស្រីបាននិយាយថា «នៅពេលដែលក្រុមការងារយើងទៅដល់កន្លែងកើតហេតុ គឺវាមានឡានជាង ១០០ គ្រឿង កំពុងឆេះ ។ យើងមិនអាចទប់ស្កាត់បានភ្លាមៗរហូតឡានរាប់ពាន់គ្រឿងត្រូវឆេះអស់ » ។ ដកស្រង់ចេញពីវេបសាយ ៖ cnn (ប្រភពវីដេអូ ៖ CBS Miami)(កែសម្រួលដោយ ៖ បុប្ផា)
ចែករំលែកព័តមាននេះ