ADផ្ទាំងផ្សព្វផ្សាយពាណិជ្ជកម្ម

មហាសេដ្ឋីធំៗ ៣ រូបកំពុងបន្តចេញមុខជួយក្នុងកំឡុងពេលវីរុសកូវីដ ១៩ នៅតែរាតត្បាត

4 ឆ្នាំ មុន

០៦ ខែ មេសា ឆ្នាំ ២០២០ ម៉ោង ១៤:៤០

អ្នកប្រហែលជាបានអានព័ត៌មានជាច្រើនដែលរាយការណ៍មកថា អ្នកមានទ្រព្យសម្បត្តិស្តុកស្តម្ភកំពុងតែរត់ទៅកាន់បន្ទប់ក្រោមដីដើម្បីការពារខ្លួន កាត់បន្ថយចំនួនបុគ្គលិករាប់រយអ្នកដោយមិនមានការផ្តល់ដំណឹងទុកជាមុន និងព្រមទាំងដកខ្លួនចេញពីសហគមន៍ដែលខ្លួនរស់នៅផងដែរក្នុងកំឡុងពេលកូវីដ ១៩ បន្តការវាយលុកជុំវិញពិភពលោកនេះ ។ ប៉ុន្តែអ្នកមិនគួរអនុញ្ញាតឲ្យព័ត៌មានទាំងនោះធ្វើឲ្យអ្នកគិតថាអ្នកមានទាំងអស់ជាមនុស្សអាក្រក់ និងអាត្មានិយមឡើយ ។…

ប៉ុន្តែអ្នកមិនគួរអនុញ្ញាតឲ្យព័ត៌មានទាំងនោះធ្វើឲ្យអ្នកគិតថាអ្នកមានទាំងអស់ជាមនុស្សអាក្រក់ និងអាត្មានិយមឡើយ ។ ផ្ទុយមកវិញមានមហាសេដ្ឋីជាច្រើនដែលកំពុងតែចេញមុខផ្ទាល់ដើម្បីជួយសហគមន៍របស់ពួកគេ ព្រមទាំងប្រទេសដទៃក្នុងការទប់ទល់នឹងវីរុសខាងលើ ។

NEW YORK, NY – SEPTEMBER 23: Executive Chairman of the Alibaba Group Jack Ma speaks during the “Valuing What Matters” panal discussion during the third day of the Clinton Global Initiative’s 10th Annual Meeting at the Sheraton New York Hotel & Towers on September 23, 2014 in New York City. (Photo by Jemal Countess/Getty Images)

១. លោក ជេក ម៉ា (Jack Ma)
លោកមហាសេដ្ឋី ជេក ម៉ា ជាបុរសដែលមានទ្រព្យសម្បត្តិច្រើនជាងគេក្នុងប្រទេសចិន និងជាស្ថាបនិកក្រុមហ៊ុន Alibaba Group ។ បន្ទាប់ពីប្រទេសរុស្ស៊ីបរិច្ចាគម៉ាស់ឲ្យទៅប្រទេសចិនកាលពីខែកុម្ភៈ លោក ម៉ា បានតបស្នងវិញដោយផ្ញើម៉ាស់ ១លានសម្រាប់ និងឧបករណ៍ធ្វើតេស្តដល់ទៅ ២០ម៉ឺនឧបករណ៍ទៅឲ្យកងយោធារុស្ស៊ីផងដែរ ។លើសពីនេះទៅទៀត លោកក៏បានចូលរួមបរិច្ចាគឧបករណ៍ធ្វើតេស្តទៅឲ្យប្រទេសដទៃដូចជាជប៉ុន កូរ៉េខាងត្បូង អ៊ីរ៉ង់ សហរដ្ឋអាមេរិក និងប្រទេសមួយចំនួនទៀតក្នុងទ្វីបអាហ្វ្រិកជាដើម ។

២. លោក អ៊ីឡុន ម៉ាស (Elon Musk)
ក្រុមហ៊ុនរថយន្ត Tesla បានផ្អាកដំណើរការរោងចក្រទាំងអស់លើកលែងតែរោងចក្រដែលមានសារៈសំខាន់មួយចំនួនទេដើម្បីកាត់បន្ថយការចម្លងវីរុសកូវីដ ១៩ និងការពារបុគ្គលិករបស់ខ្លួន ។ មួយសប្តាហ៍ក្រោយមក លោកនាយកប្រតិបត្តិ អ៊ីឡុន ម៉ាស បានប្រកាសជាសាធារណៈថារោងចក្រមួយនឹងប្តូរមកផលិតឧបករណ៍ព្យាបាលដែលកំពុងតែខ្វះខាតនៅក្នុងសហរដ្ឋអាមេរិក ។

៣. លោក ប៊ីល ហ្គេតស៍ (Bill Gates)
តាមរយៈមូលនិធិសប្បុរសធម៌របស់លោក លោក ប៊ីល ហ្គេតស៍ សន្យាថានឹងបរិច្ចាគ ៥០លានដុល្លារដើម្បីរុករកវ៉ាក់សាំងដែលជួយទប់ទល់នឹងជម្ងឺនេះបាន ។ អ្នកទទួលបានថវិកានេះរួមមាន ក្រុមហ៊ុនឱសថ និងជីវៈបច្ចេកវិទ្យាចំនួន ១២ក្រុមហ៊ុនដែលកំពុងស្រាវជ្រាវរកវ៉ាក់សាំង ប៉ុន្តែអ្នកទទួលថវិកានេះត្រូវតែយល់ព្រមថារក្សាតម្លៃវ៉ាក់សាំងឲ្យសមរម្យ និងមានគ្រប់សម្រាប់មនុស្សទាំងអស់ ៕