ខេត្តសៀមរាប ៖ គិតត្រឹមថ្ងៃទី០៦ មេសា នេះ នារីជនរងគ្រោះត្រូវក្រុមគ្រួសារបញ្ជូនទៅសង្គ្រោះបន្តនៅមន្ទីរពេទ្យខេត្តបាត់ដំបង (ជាស្រុកំណើត) ដោយសារស្ថានភាពនាងរបួសធ្ងន់ធ្ងរ(ផុងលលាដ៍ក្បាល) ។ ហើយសង្ឃឹមថា ក្រុមគ្រូពេទ្យជួយព្យាបាលនាងបានរួចផុតពីគ្រោះថ្នាក់នេះ ។
គួររំលឹកថា នារីអាយុ១៨ឆ្នាំខាងលើរូបនេះបានលោតពីលើភ្នំក្រោម មូលហេតុគឺមានវិបត្តិផ្លូវចិត្តជាមួយសង្សារនាង កាលពីវេលាម៉ោង១៨និង៥០នាទីយប់ថ្ងៃទី០៥ មេសា ស្ថិតលើចំរាក់ភ្នំក្រោម ខេត្តសៀមរាប។ មន្ត្រីនគរបាលក្រុងសៀមរាបបានឱ្យដឹងថា ពេលនារីរងគ្រោះលោតទម្លាក់ខ្លួននោះ ត្រូវបាននគរបាលប្រទះឃើញ ។
ប្រភពបញ្ជាក់ថា នារីរងគ្រោះមានអាយុ១៨ឆ្នាំ មានស្រុកកំណើតក្រុងបាត់ដំបង ខេត្តបាត់ដំបង ។ តែបច្ចុប្បន្ននាងស្នាក់នៅបន្ទប់ជួលភូមិធ្លកអណ្ដូង សង្កាត់ស្លក្រាម ក្រុងសៀមរាបខេត្តសៀមរាប ។
ចែករំលែកព័តមាននេះ