ចិន ៖ ប្រទេសចិនបានធ្វើការហាមឃាត់ការនាំចេញឧបករណ៍ធ្វើតេស្តមេរោគកូវីដ១៩ និង ឧបករណ៍វេជ្ជសាស្ត្រដទៃទៀត ដោយក្រុមហ៊ុនដែលមិនមានអាជ្ញាប័ណ្ណ បន្ទាប់ពីមានឧប្បត្តិហេតុគួរឱ្យអាម៉ាស់មួយចំនួនដែលបានធ្វើឱ្យប៉ះពាល់ដល់ទំនាក់ទំនងសកលរបស់ទីក្រុងប៉េកាំង។ នៅពេលការផ្ទុះឡើងនៃកូវីដ១៩ បានរីករាលដាលពាសពេញពិភពលោក ប្រទេសចិនបានព្យាយាមធ្វើខ្លួនជាអ្នកជំនាញខាងជំងឺនេះ…
ចិន ៖ ប្រទេសចិនបានធ្វើការហាមឃាត់ការនាំចេញឧបករណ៍ធ្វើតេស្តមេរោគកូវីដ១៩ និង ឧបករណ៍វេជ្ជសាស្ត្រដទៃទៀត ដោយក្រុមហ៊ុនដែលមិនមានអាជ្ញាប័ណ្ណ បន្ទាប់ពីមានឧប្បត្តិហេតុគួរឱ្យអាម៉ាស់មួយចំនួនដែលបានធ្វើឱ្យប៉ះពាល់ដល់ទំនាក់ទំនងសកលរបស់ទីក្រុងប៉េកាំង។
នៅពេលការផ្ទុះឡើងនៃកូវីដ១៩ បានរីករាលដាលពាសពេញពិភពលោក ប្រទេសចិនបានព្យាយាមធ្វើខ្លួនជាអ្នកជំនាញខាងជំងឺនេះ ដោយបញ្ជូនពេទ្យទៅបរទេសជាមួយនឹងការបរិច្ចាគនិងលក់ឧបករណ៍។
នៅប្រទេសស៊ែប៊ី ប្រធានាធិបតីនៅឯអាកាសយានដ្ឋាននៅពេលដែលយន្ដហោះដែលផ្ទុកទៅដោយគ្រឿងផ្គត់ផ្គង់ និងគ្រូពេទ្យជាច្រើនពីប្រទេសចិន ដោយស្វាគមន៍គ្រូពេទ្យជំនាញដោយប្រើកែងដៃមុនពេលដាំថើបនៅលើទង់ជាតិចិន។
តែបើនៅប្រទេសអេស្ប៉ាញវិញ មន្ត្រីបានបញ្ជូនកញ្ចប់ឧបករណ៍ធ្វើតេស្តរកមេរោគកូវីដ១៩ មកចិនវិញ បន្ទាប់ពីពួកគេត្រូវបានរកឃើញថា មានកម្រិតត្រឹមត្រូវតិចជាង ៣០%។
ស្ថានទូតចិនប្រចាំនៅទីក្រុងម៉ាឌ្រីដ បានឆ្លើយតបនឹងព័ត៌មាននេះដោយពន្យល់ថា ឧបករណ៍ដែលមានកំហុសបានមកពីអ្នកផ្តល់សេវាដែលមិនមានអាជ្ញាប័ណ្ណក្នុងបញ្ជីអ្នកផ្តល់សេវា ហើយថែមទាំងមិនត្រូវបានអនុញ្ញាតឱ្យលក់ផលិតផលរបស់ខ្លួនដោយវេជ្ជសាស្ត្រជាតិចិនឡើយ។
ទន្ទឹមនឹងនេះដែរ ប្រទេសហូឡង់ ត្រូវបង្ខំចិត្ត បញ្ជូនម៉ាស់ ចំនួន ៦០០០០០ ដែលបានមកពីប្រទេសចិន ទៅប្រទេសចិនវិញ ក្រោយរកឃើញថា ម៉ាស់ទាំងនោះគឺគ្មានគុណភាព។ ចំណែកឯសាធារណរដ្ឋឆែកវិញ គេបានរកឃើញថា ឧបករណ៍ធ្វើតេស្តរកមេរោគកូវីដ១៩ ពីប្រទេសចិន គ្មានប្រសិទ្ធភាពដល់ទៅ៨០%។
ដើម្បីការពារប្រឆាំងនឹងភាពអាម៉ាស់បន្ថែមទៀត ប្រទេសចិនបាននិយាយនៅសប្តាហ៍នេះថា មានតែក្រុមហ៊ុនដែលត្រូវបានបញ្ជាក់ដោយ NMPA ទេដែលនឹងអាចនាំចេញការផ្គត់ផ្គង់វេជ្ជសាស្ត្រ។
តាមរបាយការណ៍ ក្នុងចំណោមក្រុមហ៊ុនចិនចំនួន ១០២ ដែលទទួលបានការទទួលស្គាល់ មានតែក្រុមហ៊ុនចំនួន២១ ប៉ុណ្ណោះ ដែលទទួលបានសិទ្ធិលក់ផលិតផលរបស់ខ្លួននៅប្រទេសចិនគិតត្រឹមសប្តាហ៍មុន៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ