វ៉ាក់សាំងប្រឆាំងវីរុស អាចសាកល្បងនាខែឧសភា នៅកុងហ្គោ
សធារណរដ្ឋប្រជាធិបតេយ្យកុងហ្គោ ៖ យោងតាមវេជ្ជបណ្ឌិត JEAN JACQUES MUYEMBE ដែលត្រូវតែងតាំងជាប្រមុខដឹកនាំការតស៊ូប្រឆាំងវីរុស COVID-19 កាលពីថ្ងៃទី៤ មេសា…
សធារណរដ្ឋប្រជាធិបតេយ្យកុងហ្គោ ៖ យោងតាមវេជ្ជបណ្ឌិត JEAN JACQUES MUYEMBE ដែលត្រូវតែងតាំងជាប្រមុខដឹកនាំការតស៊ូប្រឆាំងវីរុស COVID-19 កាលពីថ្ងៃទី៤ មេសា បានសម្ដែងការគាំទ្រជាសាធារណៈ ចំពោះសារសំខាន់នៃការទទួលធ្វើ្វការសាកល្បងវ៉ាក់សាំងប្រឆាំងវីរុសនេះនៅប្រទេសលោក ។ បែបនេះនាំឲ្យមានការជជែកដេញដោលគ្នាយ៉ាងខ្លាំងក្នុងប្រទេស ។
វេជ្ជបណ្ឌិតរូបនោះដែលជាមនុស្សគន្លឹះក្នុងការតស៊ូប្រឆាំងវីរុសអេបូឡា និងវីរុស COVID-19 ក្នុងប្រទេសនិយាយថា នាខែឧសភាខាងមុខនេះ សាធារណរដ្ឋប្រជាធិបតេយ្យកុងហ្គោនឹងអាចចាប់ផ្ដើមធ្វើតេស្តវ៉ាក់សាំងប្រឆាំងវីរុស COVID-19 ។ យើងបានជ្រើសរើសសម្រាប់ការសាកល្បងទាំងនេះ ។ វ៉ាក់សាំងប្រឆាំងវីរុសនោះអាចផលិតដោយសហរដ្ឋងអាមេរិក អាចដោយចិននិងអាចដោយកាណាដា ហើយយើងជាបេក្ខជនសម្រាប់សាក ។
លោកលើកជាឧទាហរណ៍វ៉ាក់សាំងដែលប្រើប្រាស់ក្នុងនាមជាការពិសោធន៍ប្រឈមមុខនឹងវីរុសអេបូឡា ។ ការអះអាងរបស់លោកបែបនេះនាំឲ្យមានប្រតិកម្មយ៉ាងខ្លាំងក្នុងចំណោមប្រជាជនកុងហ្គោជាច្រើនដែលបដិសេធមិនព្រមធ្វើជាកណ្ដុរសាកវ៉ាក់សាំង ។
គ្រូពេទ្យជំនាញខាងប្រឆាំងវីរុសនោះបន្តថា អាចនាខែក្កកដា ឬសីហា ដែលយើងអាចមានការសាកល្បងគ្លីនិករួចនៃវ៉ាក់សាំងនោះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ