មហាសង្ក្រាន្តឆ្នាំថ្មីឆ្នាំនេះ
ឆ្នាំនេះមហាសង្ក្រាន្តចូលមកដល់នៅថ្ងៃចន្ទ ៦រោង ខែចេត្រ ត្រូវនឹងថ្ងៃទី១៣ ខែមេសា គ.ស 2020 វេលាម៉ោង ២០និង៤៨នាទី ជាថ្ងៃចូលឆ្នាំជូត…
ឆ្នាំនេះមហាសង្ក្រាន្តចូលមកដល់នៅថ្ងៃចន្ទ ៦រោង ខែចេត្រ ត្រូវនឹងថ្ងៃទី១៣ ខែមេសា គ.ស 2020 វេលាម៉ោង ២០និង៤៨នាទី ជាថ្ងៃចូលឆ្នាំជូត ទោស័ក ព.ស ២៥៦៤ ជាវារៈមហាសង្ក្រាន្តឆ្នាំថ្មី ។
ថ្ងៃអង្គារ ៧រោច ខែចេត្រត្រូវនឹងថ្ងៃទី១៤ ខែមេសា គ.ស 2020 ជាវារៈវ័នបត ។
ថ្ងៃពុធ ៨រោច ខែចេត្រ ត្រូវនឹងថ្ងៃទី១៥ ខែមេសា គ.ស 2020 ជាវារៈវ័នបត ។
ថ្ងៃព្រហស្បតិ៍៩រោច ខែចេត្រ ត្រូវនឹងថ្ងៃទី១៦ ខែមេសា គ.ស 2020 នៅវេលាម៉ោង១និង២៤នាទី៣៦វិនាទី ជាវារៈឡើងស័កគម្រប់ជាសង្ក្រាន្តបីថ្ងៃចូលជាសកលឆ្នាំជូត ទោស័ក ព.ស២៥៦៤ដោយបរិបូណ៌ ។
នៅក្នុងឱកាសទាំង៤ថ្ងៃនេះសូមអស់ប្រជាពលរដ្ឋប្រុសស្រីផងទាំងឡាយរៀបចំពលិការ គ្រឿងសក្ការបូជា អុចប្រទីបជ្វាលាថ្វាយព្រះរតនត្រ័យនិងទទួលស្វាគមន៍ទេវធីតាឆ្នាំថ្មី ហើយខំលះបង់ចិត្តអាក្រក់អន្យតិរ្ថិយជាចិត្តអប្រិយជាប់ដោយគំនុំគុំកួនព្យាបាទឈ្នានីសដែលកើតមានក្នុងឆ្នាំចាស់ឱ្យជ្រះស្រឡះ តាំងចិត្តប្រព្រឹត្តល្អប្រកបដោយ មេត្តា ករុណា មុទិតា ឧបេក្ខា ធ្វើបុណ្យសុន្ទរ៍ទានតាមប្រពៃណី រក្សាសីលប្រាំឱ្យបានជាប់ជានិច្ច នោះទេវតានឹងឱ្យពរសព្ទសាធុការ លោកអ្នកនឹងមានសិរីសួស្តី សុភមង្គលវិបុលសុខគ្រប់ប្រការតាំងពីឆ្នាំថ្មីនេះតរៀទៅ ។ សាន សារិន
ចែករំលែកព័តមាននេះ