ក្រសួងសេដ្ឋកិច្ច និងហិរញ្ញវត្ថុនៅថ្ងៃនេះ បានប្រកាសអោយដឹងពីការបង្កើតក្រុមការងារចម្រុះដោះស្រាយផលប៉ះពាល់ដែលបណ្តាលមកពីកូវីដ១៩ និង EBA ។
ក្រុមការងារចម្រុះនោះ គឺមានសមាសភាពសរុបចំនួន៨នាក់មកពីក្រសួងសេដ្ឋកិច្ច និងហិរញ្ញវត្ថុ និងធនាគារជាតិនៃកម្ពុជា។ ក្រុមការងារចម្រុះនេះនឹងដឹកនាំដោយ សហប្រធាន លោក រស់ សីលម៉ា អនុរដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និង លោកស្រី ទាវ ច័ន្ទថាណា ទេសាភិបាល រងធនាគារជាតិនៃកម្ពុជា។
ក្រុមការងារនេះ គឺដើម្បីសិក្សាពីស្ថានភាពសេដ្ឋកិច្ច និងហិរញ្ញវត្ថុ និង រៀបចំកញ្ចប់វិធានការហិរញ្ញវត្ថុ ដើម្បីដោះស្រាយផលប៉ះពាល់ដោយសារកូវីដ១៩ និង EBA ។
កូវីដ១៩ មិនត្រឹមតែសម្លាប់មនុស្សរាប់ម៉ឺននាក់ក្នុងពិភពលោកទេ វាក៏បានធ្វើអោយសេដ្ឋកិច្ចពិភពលោករង្គោះរង្គើ និងដើរថយក្រោយផងដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ