នៅពេលជំងឺរាតត្បាតកូវីដ១៩ គ្របដណ្តប់ពិភពលោកនាំឱ្យសេដ្ឋកិច្ចជាប់គាំង អ្នកវិទ្យាសាស្ត្របានព្យាករណ៍ថា ការបំភាយកាបូនឌីអុកស៊ីតក្នុងពិភពលោកអាចនឹងធ្លាក់ចុះជាង ៥% នៅឆ្នាំ២០២០ ដែលជាការធ្លាក់ចុះដ៏ធំបំផុតចាប់តាំងពីសង្គ្រាមលោកលើកទី២ត្រូវបានបញ្ចប់។ ការព្យាករណ៍បានមកពីអ្នកស្រាវជ្រាវម្នាក់ជាមួយគម្រោងកាបូនពិភពលោក (GCP) ដែលជាអង្គការមានគោលដៅតាមដានបរិមាណឧស្ម័នផ្ទះកញ្ចក់…
នៅពេលជំងឺរាតត្បាតកូវីដ១៩ គ្របដណ្តប់ពិភពលោកនាំឱ្យសេដ្ឋកិច្ចជាប់គាំង អ្នកវិទ្យាសាស្ត្របានព្យាករណ៍ថា ការបំភាយកាបូនឌីអុកស៊ីតក្នុងពិភពលោកអាចនឹងធ្លាក់ចុះជាង ៥% នៅឆ្នាំ២០២០ ដែលជាការធ្លាក់ចុះដ៏ធំបំផុតចាប់តាំងពីសង្គ្រាមលោកលើកទី២ត្រូវបានបញ្ចប់។
ការព្យាករណ៍បានមកពីអ្នកស្រាវជ្រាវម្នាក់ជាមួយគម្រោងកាបូនពិភពលោក (GCP) ដែលជាអង្គការមានគោលដៅតាមដានបរិមាណឧស្ម័នផ្ទះកញ្ចក់ ដែលមនុស្សកំពុងបញ្ចេញចូលទៅក្នុងបរិយាកាស។
លោក Rob Jackson ប្រធានអង្គការ GCP និងជាសាស្ត្រាចារ្យនៅសាកលវិទ្យាល័យ Stanford បាននិយាយថា៖ «ខ្ញុំនឹងមិនមានការភ្ញាក់ផ្អើលទេ ដែលឃើញការធ្លាក់ចុះនៃការបញ្ចេញកាបូនឌីអុកស៊ីត ៥% ឬច្រើនជាងនេះក្នុងឆ្នាំនេះ»។
លោកបានមានប្រសាសន៍ថា ៖ «ការដួលរលំនៃសហភាពសូវៀតនិងវិបត្តិប្រេងឬប្រាក់សន្សំនិងប្រាក់កម្ចីផ្សេងៗគ្នាក្នុងរយៈពេល៥០ឆ្នាំកន្លងមកនេះ ទំនងជាមិនប៉ះពាល់ដល់ការបំភាយឧស្ម័ន តាមរបៀបដែលកូវីដ១៩កើតមាននោះទេ»។
ការធ្លាក់ចុះនៅឆ្នាំនេះគឺជាការកាត់បន្ថយលើកដំបូងក្នុងការបំភាយឧស្ម័នកាបូនឌីអុកស៊ីត ចាប់តាំងពីការធ្លាក់ចុះ ១,៤% បន្ទាប់ពីវិបត្តិហិរញ្ញវត្ថុឆ្នាំ២០០៨។
លោក Kevin Rose ជំនួយការសាស្ត្រាចារ្យផ្នែកវិទ្យាសាស្ត្រជីវសាស្ត្រនិងជាប្រធានផ្នែកអភិវឌ្ឍន៍អាជីពនៅក្នុងវិទ្យាសាស្ត្រជីវវិទ្យាទឹកសាប បាននិយាយថា នៅពេលដែលផលិតភាពសេដ្ឋកិច្ចធ្លាក់ចុះការថយចុះនៃការបំភាយឧស្ម័នផ្ទះកញ្ចក់មិនមានអ្វីគួរឱ្យភ្ញាក់ផ្អើលនោះទេដោយសារតែកត្តាទាំងពីរត្រូវបានផ្សារភ្ជាប់យ៉ាងតឹងរឹង៕ (យោងតាមប្រភពពី www.newsweek.com )
ចែករំលែកព័តមាននេះ