ប្រទេសអុីតាលី ៖ ប្រទេសអុីតាលីបានរាយការណ៍ពីការកើនឡើងប្រចាំថ្ងៃទាបបំផុតរបស់ខ្លួនចំពោះការបាត់បង់ជីវិតដោយជំងឺកូវីដ១៩ អស់រយៈពេលជិតពីរសប្តាហ៍កាលពីថ្ងៃសៅរ៍ និងបាននិយាយថាចំនួនអ្នកជំងឺកូវីដ១៩កម្រិតធ្ងន់ធ្ងរបានធ្លាក់ចុះជាលើកដំបូង។
ក្រុមមន្ត្រីបានទទូចឱ្យប្រជាជនគោរពតាមការហាមឃាត់មិនឱ្យចេញក្រៅផ្តេសផ្តាស ខណៈពេលនេះការហាមនោះកំពុងតែបានផលជាបណ្តើរៗ បើទោះបីជាករណីថ្ងៃឡើង ៤៨០៥ករណីកាលពីថ្ងៃសៅរ៍ក៏ដោយ។
នាយកដ្ឋានការពារជនស៊ីវិលបានរាយការណ៍ថា មានអ្នកបាត់បង់ជីវិតចំនួន៦៨១នាក់ ដែលជាសរុបតាំងពីមុនៗមកមានចំនួន១៥៦៣២នាក់។ វាជាចំនួនទាបជាងគេក្នុងមួយថ្ងៃ តាំងពីថ្ងៃទី ២១ ខែកុម្ភៈមក។
ចំនួនសរុបនៃករណីដែលបានបញ្ជាក់បានកើនឡើងដល់ ១២៤៦៣២នាក់ ពីចំនួន ១១៩៨២៧នាក់ ប៉ុន្តែត្រូវបានរាយការណ៍នៅថ្ងៃសុក្រនេះបានឱ្យដឹងថា អ្នកជម្ងឺកម្រិតធ្ងន់បានធ្លាក់ចុះសល់ត្រឹមតែ ៣៩៩៤នាក់ប៉ុណ្ណោះ ដែលតិចជាង៧៤នាក់ ធៀបនឹង៤០៦៨នាក់កាលពីថ្ងៃសុក្រ។
អស់រយៈពេលជាច្រើនថ្ងៃមកហើយ មន្ត្រីអុីតាលីបាននិយាយថា ការកើនឡើងប្រកបដោយស្ថិរភាពក្នុងចំនួនករណីបានបង្ហាញថាការផ្ទុះឡើងបានឈានដល់ទីខ្ពស់ ហើយចំនួននឹងចាប់ផ្តើមធ្លាក់ចុះ ប្រសិនបើមានវិធានការទប់ស្កាត់យ៉ាងតឹងរ៉ឹងត្រូវបានគោរព៕ (យោងតាមប្រភពពី www.thestar.com)
ចែករំលែកព័តមាននេះ