អាមេរិកបានធ្វើអោយអាល្លឺម៉ង់ខឹងសម្បារដោយចោទអាមេរិកថា បានលួចប្លន់យកម៉ាសដែលត្រូវដឹកពីចិនទៅអាល្លឺម៉ង់។ សារព័ត៌មាន Daily Mail បានរាយការណ៍ថា មន្ត្រីអាល្លឺម៉ង់បានវាយប្រហារពាក្យសម្តីប្រឆាំងនឹងអាមេរិកដោយចោទប្រកាន់ថា ស្ទាក់យកម៉ាស២សែន ដែលខ្លួនបានបញ្ជាទិញពីរោងចក្រ 3M…
អាមេរិកបានធ្វើអោយអាល្លឺម៉ង់ខឹងសម្បារដោយចោទអាមេរិកថា បានលួចប្លន់យកម៉ាសដែលត្រូវដឹកពីចិនទៅអាល្លឺម៉ង់។
សារព័ត៌មាន Daily Mail បានរាយការណ៍ថា មន្ត្រីអាល្លឺម៉ង់បានវាយប្រហារពាក្យសម្តីប្រឆាំងនឹងអាមេរិកដោយចោទប្រកាន់ថា ស្ទាក់យកម៉ាស២សែន ដែលខ្លួនបានបញ្ជាទិញពីរោងចក្រ 3M នៅប្រទេសចិន។ ដោយសារតែរោងចក្រនោះកាន់កាប់ដោយជនជាតិអាមេរិក វាធ្វើអោយអាមេរិកអាចស្ទាក់យកបាន។ អាល្លឺម៉ង់ចោទថា នេះ គឺជាការលួចសម័យទំនើប ។
ចំណែកកាលពីមុននេះ អាមេរិកនិងបារាំងបានធ្លាក់ក្នុងសង្គ្រាមមួយដែលមិនមែនជាសង្គ្រាមនុយក្លេអែរ ឬប្រដាប់អាវុធឡើយ ។ ប៉ុន្តែនោះប្រទេសទាំងពីរឈ្លោះគ្នារឿងដណ្តើមម៉ាសដែលដឹកចេញពីចិនតាមយន្តហោះ។
អាមេរិកបានបដិសេធនឹងការចោទប្រកាន់ដោយអ្នកនយោបាយបារាំង ដែលថា ម៉ាសមុខមួយយន្តហោះសម្រាប់ការពារការឆ្លងមេរោគកូវីដ១៩ ត្រូវបានអាមេរិកស្កាត់ទិញយកដោយហ៊ានអោយតម្លៃជាបីទៅបួនដង ។
មន្ត្រីអាមេរិកត្រូវបានទីភ្នាក់ងារសារព័ត៌មាន AFP បារាំងដកស្រង់សម្តីដែលនិយាយថា អាមេរិកមិនបានស្ទាក់ទិញម៉ាសដែលត្រូវដឹកពីចិនទៅបារាំងទេ ។ នេះជាព័ត៌មានមិនត្រឹមត្រូវទេ ។ អាមេរិកបដិសេធបែបនេះ បន្ទាប់ពីអ្នកនយោបាយបារាំងខឹង និងចោទអាមេរិកថាបានស្ទាក់ទិញម៉ាសមួយយន្តហោះដែលបម្រុងដឹងពីចិនមកបារាំង ។
លោកស្រី វ៉ាលេរី ប៉េក្រេសខឹងជាខ្លាំងអ្នកនយោបាបារាំង ដែលជាប្រធានតំបន់ the lie-de-France ដែលរួមទាំងទីក្រុងប៉រីសផងនោះបាននិយាយថា បារាំងបញ្ជាទិញម៉ាសពីចិនមកហើយផ្តល់លុយ ពេលទំនិញមកដល់ ។ ពួកគេគិតតែពីររឿងធ្វើជំនួញ ខណៈពិភពលោកកំពុងពិបាកខ្លាំង ។
ចំណែកមេដឹកនាំនយោបាយតំបន់ម្នាក់ទៀត លោក ហ្សង់ រ៉ូតណ័រ បាននិយាយថា ប៉ុន្តែអាមេរិកបានអោយលុយមុនតែម្តងដោយមិនទាំងមើលទំនិញផង ហើយមិនតែប៉ុណ្ណោះ គឺ អោយតម្លៃបីបួនដងតម្លៃដែលបារាំងផ្តល់អោយ ៕
ចែករំលែកព័តមាននេះ