រាជធានីភ្នំពេញ ៖ បុរសម្នាក់ត្រូវសមត្ថកិច្ចឃាត់នាំមកធ្វើការអប់រំ និងឱ្យធ្វើកិច្ចសន្យាបញ្ឈប់នូវទង្វើរបស់ខ្លួនឡើងវិញ ជុំវិញការផុសលក់វ៉ែនតាពាក់ការពារមេរោគកូវីដ១៩បាន ។
យោងតាមផេកស្នងការនគរបាលរាជធានីភ្នំពេញ ថ្ងៃទី០៤ មេសា នេះថា បុរសម្នាក់ផុសលក់វ៉ែតាការពារជំងឺកូវីដ១៩ ដែលជាព័ត៌មានមិនពិត ហើយត្រូវបាននាំខ្លួនយកមកធ្វេីការណែនាំ អប់រំ និងធ្វេីកិច្ចសន្យាបញ្ឈប់រាល់សកម្មភាពទាំងនេះ ។
សូមបញ្ជាក់ថា កាលពីថ្ងៃទី០៤ មេសា វេលាម៉ោង០៩ និង៣០នាទីព្រឹក ដោយមានការសហការរវាងនាយកដ្ឋានប្រឆាំងបទល្មេីសបច្ចេកវិទ្យា ការិយាល័យប្រឆាំងបទល្មើសបច្ចេកវិទ្យា និងអធិការនគរបាលខណ្ឌបឹងកេងកង កំលាំងនគរបាលប៉ុស្តិ៍បឹងកេងកងទី២បានចុះទៅនាំខ្លួនឈ្មោះ ហំ យូហាន ភេទប្រុស អាយុ២៤ឆ្នាំ ស្នាកនៅផ្ទះជួលលេខ១២Eoផ្លូវ ២៧៦ក្រុម២៩ភូមិ០៤ សង្កាត់បឹងកេងកង២ ខណ្ឌបឹងកេងកង រាជធានីភ្នពេញ ។
បុរសខាងលើ មានមុខរបរលក់វ៉ែនតាដែលជាម្ចាស់ផេកឈ្មោះ VH Online shopបានផុសព័ត៌មានមិនពិត តាមបណ្តាញសង្គមហ្វេសបុកឈ្មោះ VH Online shop ផ្សព្វផ្សាយលក់វ៉ែនតាការពារភ្នែកពីមេរោគគ្រប់ប្រភេទពិសេសគឺ COVID-19 កាលពីថ្ងៃទី២៤ ខែមិនា ឆ្នាំ២០២០ កាលពីវេលាម៉ោង០៩ និង៣៥នាទីយប់ យកមកប៉ុស្តិ៍នគរបាលរដ្ឋបាលបឹងកេងកង២ដើម្បីធ្វើការសាកសួរ ។
បុរសរូបនេះ បានធ្វេីការសុំទោសជាសាធារណ: និងទទួលនូវកំហុសដែលខ្លួនបានផុសខុសពីការពិត ។ សមត្ថកិច្ចក៏បានធ្វេីការណែនាំ អប់រំ ធ្វេីកិច្ចសន្យា និងថតវីដេអូដេីម្បីសុំទោសជាសាធារណ:នូវកំហុសរបស់ខ្លួនដែលបានផុសព័ត៌មានមិនពិតដែលធ្វេីឲ្យប្រជាពលរដ្ឋទូទៅមានការយល់ច្រឡំ ។
ចែករំលែកព័តមាននេះ