អាមេរិកបានមានចំនួនអ្នកជំងឺកូវីដ១៩ថ្មីចំនួនរហូតដល់ ៣០០០០ និងអ្នកស្លាប់រហូតដល់ជិត ១៥០០នាក់ ក្នុងមួយថ្ងៃ ។ នេះជាចំនួនច្រើនជាងគេបំផុតនៃការស្លាប់ និងអ្នកជំងឺថ្មីក្នុងមួយថ្ងៃនៅក្នុងពិភពលោកនេះ។
សារព័ត៌មាន Chanel News Asia បានរាយការណ៍នៅថ្ងៃនេះថា ចំនួនអ្នកស្លាប់នៅអាមេរិកមានចំនួន ១៤៨០នាក់ តែក្នុងរយៈពេល២៤ម៉ោង។ នេះជាចំនួនខ្ពស់បំផុតនៅក្នុងពិភពលោក ។
ចំណែកសារព័ត៌មាន Washington Post របស់អាមេរិកបានរាយការណ៍ កាលពីថ្ងៃសៅរ៍ថា ចំនួនអ្នកជំងឺកូវីដ១៩ នៅអាមេរិកបានឡើងជាង២៧ម៉ឺននាក់ ខណៈដែលនៅក្នុងពិភពលោកមានចំនួន ១,១ លាននាក់។
អាមេរិកបានក្លាយជាប្រទេសមានអ្នកជំងឺកូវីដ១៩ច្រើនជាងគេបំផុតក្នុងពិភពលោក ហើយចំនួនអ្នកស្លាប់ក៏កាន់តែច្រើនគួរអោយបារម្ភ ៕
ចែករំលែកព័តមាននេះ