រាជធានីភ្នំពេញ ៖ តារាសម្តែង ដេនី ក្វាន់ បានគ្រងឈុតអប្សរាជាលើកដំបូងក្នុងឆាកជីវិតរបស់ខ្លួន ក្នុងពេលដែលកន្លងមកជា រឿយៗតារារូបនេះតែងតែសម្ញែងភាពសិចស៊ី មិនបង្ហោះតាមហ្វេសប៊ុក ដោយមិនខ្វល់ពីការរិះគន់របស់មហាជនទេ ។ ទោះជាយ៉ាងណាក្ដី ការគ្រងជាសម្លៀកបំពាក់បែបបុរាណខ្មែររបស់
ដេនី ក្វាន់ នាពេលនេះ មិនមែនជាលើកទីមួយទេ ពោលនាងក៏ធ្លាប់បង្ហាញពីស្លៀកហូលផាមួងខ្មែរជាច្រើនលើកផងដែរ ប៉ុន្តែគ្រាន់តែឈុតជាតួអង្គអប្សារានាពេលនេះគឺចាត់ទុកជាលើកដំបូងក្នុងឆាកជីវិតរបស់
នាង ។
គេមិនដឹងទេថា ការថតរូបភាពជាតួអង្គអប្សរាដ៏ស្រស់សោភារបស់ដេនី នីក្វាន់ នាពេលនេះ គឺជាថតសំអាង ការ ឬមួយក៏ថតសម្រាប់ផ្តិតដាក់តាំងលម្អ ឬយ៉ាងណាឡើយ ប៉ុន្តែរូបភាពនោះកំពុងតែបានការចាប់អារម្មណ៍ខ្លាំងពីបណ្តាអ្នកលេងហ្វេសប៊ុក នៅពេលដែលតារារូបនេះបានបង្ហោះចេញមក ។
ជាមួយរូបភាពប៉ុន្មានសន្លឹក ដែលបានបង្ហោះ ដេនី ក្វាន់ បានភ្ជាប់សំណេរថា លើកទីមួយហើយក្នុងឆាកជីវិតដែលបានគ្រងឈុតអប្សរាខ្មែរ មានអារម្មណ៍រំភេីប ហើយមើលទៅខ្លួនឯងស្រស់ស្អាតខ្លាំងណាស់ ។ នាងបញ្ជាក់ថា «គ្មានសម្លៀកបំពាក់ណាដែរ អាចប្រៀបធៀបជាមួយឈុតអប្សរាខ្មែរបានទេ ព្រោះឈុតអប្សរាខ្មែរស្អាតដាច់គេ ពេលស្លៀកហើយសម្រស់ស្រស់ស្អាត ឈ្នះអស់មារសត្រូវ»។
ជាការកត់សម្គាល់ បន្ទាប់ពីរូបភាពដែល ដេនី ក្វាន់ បានបង្ហោះនោះ រួចមកកាលពីពេលថ្មីៗកន្លងមក គេសង្កេតឃើញមានមិត្តិភក្តិ និងប្រិយមិត្តគាំទ្ររូបនាងជាច្រើនបាននាំគ្នាលើកសរសើរពីភាពស្រស់ស្អាតទាំងរូបសម្លៀកបំពាក់ និងរូបសម្រស់របស់នាងដែលមើលទៅសមសួនអត់ទាស់ ។ តារាសម្តែងនាងដេនី ក្វាន់ បានទទួលការចាប់អារម្មណ៍ខ្លាំងពីមហាជនតាមរយៈការចូលចិត្តសម្ញែងនូវភាពសិចស៊ី បើទោះបីជាតារារូបនេះហាក់មិនសូវបានប្រឡូកក្នុងសិល្បៈឲ្យបានជោកជាំដូចជាតារាមួយចំនួនទៀតក៏ដោយ ប៉ុន្តែកេរ្តិ៍ឈ្មោះក្នុងសិល្បៈរបស់នាងក៏មិនធម្មតាដែរ
តារារូបនេះត្រូវបានគេដឹងថា កំពុងរស់នៅក្នុងផ្ទះវីឡាដ៏ស្កឹមស្កៃ មានរថយន្តជិះយ៉ាងទំនើប ជាមួយនឹងមុខជំនួញនៅក្នុងដៃតម្លៃរាប់សិបមុឺនដុល្លារ មិនចាញ់តារា ល្បីៗមួយចំនួនទៀតឡើយ។ យ៉ាងណាក្ដីបន្ទាប់ពីទទួលរងការរិះគន់ខ្លាំងពីភាពសិចស៊ីជ្រុលពីមហាជនរួចមក មួយរយៈចុងក្រោយនេះ ដេនី ក្វាន់ បានបន្ថយភាពសិចស៊ី ហើយជារឿយៗតារារូបនេះបានចូលរួមជួយនិងធ្វើការងារសង្គម ។
ចែករំលែកព័តមាននេះ