ប្រទេសកូរ៉េខាងជើង បើតាមអ្នកទទួលខុសត្រូវជាន់ខ្ពស់ម្នាក់ថា ពុំទាន់មានអ្នកឆ្លងវីរុសកូវីដ១៩ឡើយខណៈដែលរដ្ឋជាច្រើន កំពុងសង្ស័យលើអវត្តមាននៃអ្នកឆ្លងក្នុងប្រទេសនេះ ពេលដែលបណ្ដាប្រទេសជិតខាងមានចិន និងកូរ៉េខាងត្បូងមានអ្នកឆ្លងច្រើន ។ កូរ៉េខាងជើង ជាប្រទេសក្រីក្រដែលនៅឯកោដាច់ពីគេ បានបិទព្រំដែនទាំងអស់តាំងពីដំណាច់ខែមករា…
ប្រទេសកូរ៉េខាងជើង បើតាមអ្នកទទួលខុសត្រូវជាន់ខ្ពស់ម្នាក់ថា ពុំទាន់មានអ្នកឆ្លងវីរុសកូវីដ១៩ឡើយខណៈដែលរដ្ឋជាច្រើន កំពុងសង្ស័យលើអវត្តមាននៃអ្នកឆ្លងក្នុងប្រទេសនេះ ពេលដែលបណ្ដាប្រទេសជិតខាងមានចិន និងកូរ៉េខាងត្បូងមានអ្នកឆ្លងច្រើន ។
កូរ៉េខាងជើង ជាប្រទេសក្រីក្រដែលនៅឯកោដាច់ពីគេ បានបិទព្រំដែនទាំងអស់តាំងពីដំណាច់ខែមករា មក ហើយចាត់វិធានរិតត្បិតមឺុងម៉ាត់បំផុត ដោយឲ្យមនុស្សច្រើនពាន់នាក់ ស្ថិតក្នុងរបបបង្ខាំងខ្លួននៅ ក្នុងផ្ទះមិនឲ្យចេញក្រៅ ។
លោកPAK MYONG SU នាយកនៃនាយកកដ្ឋានប្រឆាំងជំងឺឆ្លង ក្នុងផ្ទៃមជ្ឈមណ្ឌលជាតិតស៊ូប្រឆាំងការឆ្លងបានទទូចលើការខិតខំប្រឹងប្រែង ដែលអាចទទួលបានជោគជ័យបែបនេះ ។ លោកថា រហូតមកទល់ពេលនេះ ពុំទាន់មានមនុស្សណាម្នាក់ឆ្លងវីរុសក្នុងប្រទេសយើងឡើយ ។
យើងចាត់បណ្ដាវិធានការបង្ការនិងវិទ្យាសាស្ត្រ ដូូចជាដាក់ឲ្យនៅដាច់ពីគេ បណ្ដាមនុស្សដែលចូលមកក្នុងប្រទេសយើងបាញ់ថ្នាំសម្លាប់មេរោគលើគ្រប់ទំនិញព្រមទាំងបិទព្រំដែន និងបញ្ចប់ទំនាក់ទំនង តាមសមុទ្រនិងតាមអាកាស ៕
ចែករំលែកព័តមាននេះ