ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិបានប្រកាសនៅព្រឹកថ្ងៃទី៣ មេសានេះថា អង្គការសង្គ្រោះមេឃពណ៌ខៀវ ត្រៀមបញ្ជូនក្រុមគ្រូពេទ្យស្ម័គ្រចិត្តជនជាតិចិនចំនួន ១៣រូប ដែលមានបទពិសោធន៍ច្បាស់លាស់ជ្រាលជ្រៅក្នុងការប្រយុទ្ធប្រឆាំងនឹងជំងឺកូវីដ១៩ នៅចិន គ្រោងធ្វើដំណើរមកតាមរថយន្តពីខេត្តយូណាន ចូលមកកម្ពុជា តាមច្រកខេត្តស្ទឹងត្រែង ក្នុងពេលឆាប់ៗខាងមុខ ដើម្បីជួយកម្ពុជា កម្ចាត់ជំងឺកូវីដ១៩ ក្នុងរយៈពេលប្រមាណ១៥ថ្ងៃ។
ជាមួយគ្នានោះផងដែរក៏នឹងមានសម្ភារៈបរិក្ខាពេទ្យ និងថ្នាំព្យាបាល តម្លៃជាង ១លានយ័ន បន្ថែមថែមទៀតនឹងត្រូវបញ្ជួនមកជាមួយនឹងក្រុមគ្រួពេទ្យស្ម័គ្រចិត្តមួយក្រុមថ្មីនេះ ។
តាំងពីកម្ពុជារកឃើញមានអ្នកផ្ទុកកូវីដ១៩ មក ចិនបានបញ្ជូនគ្រូពេទ្យជំនាញដំបូង ៧ រូបនិងបន្តក្រោយៗមកទៀតក៏បានផ្តល់ជាជំនួយឧបត្ថម្ភច្រើនសន្ធឹកសន្ធាប់មកជួយកម្ពុជា។ គិតត្រឹមថ្ងៃទី ៣ មេសាកម្ពុជាមានករណីវិជ្ជមានកូវីដ ១៩ សរុប ១១៤ និងជាសះស្បើយចំនួន ៣៥ នាក់ ៕
ចែករំលែកព័តមាននេះ