ប្រទេសឥណ្ឌូណេស៊ី ៖ ប្រទេសឥណ្ឌូណេស៊ីនាថៃ្ងទី២ ខែមេសា ជាមួយមនុស្សបាត់បង់ជីវិតឡើងដល់១៧០នាក់ ដោយសារវីរុស COVID-19 បានក្លាយជាប្រទេសអាស៊ីទី២ ដែលមានអ្នកបាត់បង់ជីវិតច្រើនជាងគេដោយសារវីរុសនោះ បន្ទាប់ពីចិនដែលមានអ្នកបាត់បង់ជីវិតជាង៣.៣០០នាក់…
ប្រទេសឥណ្ឌូណេស៊ី ៖ ប្រទេសឥណ្ឌូណេស៊ីនាថៃ្ងទី២ ខែមេសា ជាមួយមនុស្សបាត់បង់ជីវិតឡើងដល់១៧០នាក់ ដោយសារវីរុស COVID-19 បានក្លាយជាប្រទេសអាស៊ីទី២ ដែលមានអ្នកបាត់បង់ជីវិតច្រើនជាងគេដោយសារវីរុសនោះ បន្ទាប់ពីចិនដែលមានអ្នកបាត់បង់ជីវិតជាង៣.៣០០នាក់ ហើយនាំមុខកូរ៉េខាងត្បូងដែលមានអ្នកបាត់បង់ជីវិត១៦៩នាក់។
យោងតាមតុល្យការចេញផ្សាយដោយអាជ្ញាធរឥណ្ឌូណេស៊ីថា មានអ្នកឆ្លងវីរុស ១.៧៩០នាក់នៅឥណ្ឌូណេស៊ី ជាប្រទេសមានប្រជាជនច្រើនជាងគេទី៤លើពិភពលោក គឹជិត២៧០លាននាក់។ ក៏ប៉ុន្តែតាមបណ្ដាអ្នកជំនាញការខាងជំងឺឆ្លងថា ចំនួនអ្នកឆ្លងវីរុសក្នុងប្រទេសនោះ អាចរកឃើញទាបមកពីពុំមានការធ្វើតេស្តរកអ្នកឆ្លងក្នុងចំនួនច្រើន។
តាមការព្យាករណ៍របស់បណ្ដាអ្នកស្រាវជ្រាវអង់គ្លេសថា ចំនួនពិតប្រាកដនៃមនុស្សឆ្លងនៅឥណ្ឌូណេស៊ី អាចមានដល់រវាងពី២២.០០០នាក់ ទៅ៣៧.០០០នាក់និងអាចរហូតដល់៨០.០០០នាក់ ផង។
ប្រធានាធិបតីចិនលោកស៊ីជីនពីងថ្លែងនាថ្ងៃទី២មីនាថា ចិនត្រៀមជួយទ្រទ្រង់និងផ្ដល់ជំនួយដល់ឥណ្ឌូណេស៊ី ដើម្បីជម្នះរួមគ្នាការប្រឈមបច្ចុប្បន្ននៃការឆ្លងរាលដាលវីរុសនេះ។ លោកស៊ីបន្តថា ក្រោយការតស៊ូដ៏ស្វិតស្វាញ ប្រជាជនចិនអាចចាកផុតដំណាក់កាល ដ៏លំបាកបំផុតសម្រាប់ខ្លួន។ ចិនដឹងពីការលំបាករបស់ឥណ្ឌូណេស៊ីហើយចង់ផ្ដល់ជំនួយ។
លោកស៊ីអះអាងបែបនេះ ក្នុងឱកាសនៃកិច្ចសន្ទនាគ្នាតាមទូរស័ព្ទមួយ ជាមួយប្រធានាធិបតីឥណ្ឌូណេស៊ីលោក JOKO WIDONO៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ