ញូវយ៉ក ៖ «ទាហានមិនទៅធ្វើសង្គ្រាម ដោយគ្មានអាវុធទេ» ហេតុអ្វី គិលានុបដ្ឋាយិកា(គ្រូពេទ្យ) គួរតែមកធ្វើការដោយគ្មានឧបករណ៍ការពារ ? នេះជាសម្តីរបស់គិលានុបដ្ឋាយិកាម្នាក់ ក្នុងចំណោមអ្នកតវ៉ាប្រហែលជា៣០នាក់…
ញូវយ៉ក ៖ «ទាហានមិនទៅធ្វើសង្គ្រាម ដោយគ្មានអាវុធទេ» ហេតុអ្វី គិលានុបដ្ឋាយិកា(គ្រូពេទ្យ) គួរតែមកធ្វើការដោយគ្មានឧបករណ៍ការពារ ? នេះជាសម្តីរបស់គិលានុបដ្ឋាយិកាម្នាក់ ក្នុងចំណោមអ្នកតវ៉ាប្រហែលជា៣០នាក់ បានធ្វើបាតុកម្មនៅខាងក្រៅមន្ទីរពេទ្យញូវយ៉ក កាលពីថ្ងៃព្រហស្បតិ៍ ទី២ មេសា នេះបើតាមព័ត៌មាន AFP ។
ការតវ៉ាដ៏កម្ររបស់ក្រុមគ្រូពេទ្យ នៅពេលកង្វះនៃម៉ាស, សម្លៀកបំពាក់ពេទ្យ និងឧបករណ៍ការពារផ្សេងទៀត សម្រាប់បុគ្គលិកសុខាភិបាល ដែលកំពុងព្យាបាលអ្នកជំងឺកូវីដ១៩ ដែលមាននៅញូវយ៉ក ជារដ្ឋ ដែល Covid-19 រាតត្បាតខ្លាំងជាងគេរបស់សហរដ្ឋអាមេរិក ។
ញូវយ៉ក ត្រឹមព្រឹកថ្ងៃទី៣ មេសានេះ មានអ្នកឆ្លងកូវីដ១៩ ត្រូវបានបញ្ជាក់ជិត ១០០.០០០ករណី រួមទាំងមានអ្នកស្លាប់ជាង ២.៥០០ នាក់ហើយ គិលានុបដ្ឋាយិកានិយាយថា កង្វះខាតគ្រឿងបរិក្ខារ កំពុងធ្វើឱ្យជីវិតរបស់ពួកគេ ស្ថិតក្នុងគ្រោះថ្នាក់ ។
ក្រុមគិលានុបដ្ឋាយិកា ដែលឈរតវ៉ា ប្រុងប្រយ័ត្នដោយរក្សាចម្ងាយពីគ្នារវាងពួកគេ នៅតាមរបងខាងក្រៅមជ្ឈមណ្ឌលវេជ្ជសាស្ត្រ Montefiore ក្នុងទីក្រុង Bronx ។
ពួកគេ បានពាក់ម៉ាស់ ហើយកាន់ប័ណ្ណប្រកាសថ្កោលទោសកង្វះខាតនៃ “គ្រឿងបរិក្ខារវេជ្ជសាស្ត្រ” ដែលជាឧបករណ៍ការពារផ្ទាល់ខ្លួន ដែលការលើកឡើងនេះ កំពុងប៉ះពាល់ដល់បុគ្គលិក នៅទូទាំងមន្ទីរពេទ្យញូវយ៉ក ។
ប្រធានសមាគមលោកស្រី Judy Sheridan-Gonzalez បានប្រាប់ AFP ថា “យើងគឺជាអ្នកប្រយុទ្ធនៅជួរមុខ… យើងមិនមានគ្រឿងសឹក ការពារខ្លួន ពីសត្រូវទេ” ។
មិត្តរួមការងាររបស់លោកស្រី Judy គឺលោកស្រី Benny Mathew អាយុ៤៣ឆ្នាំ បាននិយាយថា គាត់បានឆ្លងមេរោគនេះ បន្ទាប់ពីបានព្យាបាលអ្នកជំងឺកូវីដ១៩ ដែលមានជំងឺសរសៃឈាមបេះដូង យ៉ាងហោចណាស់០៤នាក់ ដោយមិនមានឧបករណ៍ត្រឹមត្រូវ ។
នៅថ្ងៃទី២៥ ខែមីនា ការធ្វើតេស្ត រកវីរុសកូវីដ១៩ ទទួលបានលទ្ធផល«វិជ្ជមាន» ។ ទោះយ៉ាងណា មកដល់ថ្ងៃទី២៨ ខែមីនាគ្រុនក្តៅរបស់គាត់បានបាត់ទៅហើយ(ជាសះស្បើយ) ហើយមន្ទីរពេទ្យបានស្នើសុំឱ្យគាត់ ត្រឡប់ទៅធ្វើការវិញ ។
គាត់បាននិយាយថា “ពួកគេបានប្រាប់ខ្ញុំ ប្រសិនបើអ្នកមិនក្តៅខ្លួនទេ អ្នកអាចមកធ្វើការបាន” ។ គេប្រាប់អោយខ្ញុំពាក់ម៉ាស ហើយមកធ្វើការ ។ យើងមិនមានបុគ្គលិកគ្រប់គ្រាន់ទេ ដូច្នេះខ្ញុំគិតថា វាជាកាតព្វកិច្ចរបស់ខ្ញុំ ដែលត្រូវត្រលប់មកធ្វើការវិញ ។
លោកស្រី Benny បានបន្ថែមថា “ប៉ុន្តែខ្ញុំ មានការព្រួយបារម្ភថា ខ្ញុំនឹងចម្លងជំងឺនេះ ទៅអ្នករួមការងាររបស់ខ្ញុំ និងទៅអ្នកជំងឺផ្សេងទៀត ដែលមិនមានជាអ្នកជំងឺ COVID-19 នេះ” ៕
ចែករំលែកព័តមាននេះ