ខេត្តកំពង់ឆ្នាំង ៖ មន្ត្រីការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង នាព្រឹកថ្ងៃទី២ ខែមេសា ឆ្នាំ២០២០នេះ បានចុះបាញ់ថ្នាំសម្លាប់មេរោគនៅតាមទីសត្តឃាត ក្នុងស្រុករលាប្អៀរ ក្នុងគោលបំណងការពារមេរោគឆ្លងគ្រប់ប្រភេទ…
ខេត្តកំពង់ឆ្នាំង ៖ មន្ត្រីការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង នាព្រឹកថ្ងៃទី២ ខែមេសា ឆ្នាំ២០២០នេះ បានចុះបាញ់ថ្នាំសម្លាប់មេរោគនៅតាមទីសត្តឃាត ក្នុងស្រុករលាប្អៀរ ក្នុងគោលបំណងការពារមេរោគឆ្លងគ្រប់ប្រភេទ ។
លោក ហ៊ុន លី អនុប្រធានការិយាល័យប្រតិកម្មនិងបសុព្យាបាលបានឲ្យដឹងថា ដោយរដូវនេះជារដូវក្តៅដែលជំងឺផ្សេងៗតែងកើតឡើងលើសត្វពាហនៈ និងគួបផ្សំការការពារការឆ្លងជំងឺគ្រប់ប្រភេទផងនោះ មន្ត្រី ការិយាល័យផលិតកម្មនិងបសុព្យាបាលរបស់លោកបានសហការជាមួយម្ចាស់ទីសត្តឃាត ក្នុងស្រុករលាប្អៀរដើម្បីធ្វើការចុះបាញ់ថ្នាំសម្លាប់មេរោគ និងធ្វើការត្រួតពិនិត្យទៅលើការអនាម័យរបស់ទីសត្តឃាតមួយៗផងដែរ ។
ជាមួយគ្នានេះ ការិយាល័យរបស់លោកក៏បាននាំយកថ្នាំមួយចំនួនទៅផ្ដល់ជូនដល់ម្ចាស់ទីសត្តឃាតដើម្បីធ្វើការបាញ់សំអាតជារៀងរាល់ថ្ងៃដោយខ្លួនឯង ។
ក្នុងឱកាសនោះដែរ លោកក៏បានណែនាំដល់ម្ចាស់អាជីវករ ក៏ដូចជាអ្នកចិញ្ចឹមសត្វត្រូវចូលរួមថែរក្សាអនាម័យដើម្បីការពារជំងឺឆ្លងគ្រប់ប្រភេទដោយការបាញ់ថ្នាំសម្លាប់មេរោគ ។ លោកបានឲ្យដឹងដែរថា ការចុះបាញ់ថ្នាំសម្លាប់មេរោគតាមទីសត្តឃាតនេះនឹងធ្វើឡើងជារៀងរាល់សប្តាហ៍ នៅគ្រប់ស្រុកក្រុងទាំងអស់ទូទាំងខេត្ត ដើម្បីការពារជំងឺឆ្លងពីសត្វទៅសត្វ នឹងពីសត្វទៅមនុស្ស ។
សូមរំលឹកដែរថា នៅព្រឹកថ្ងៃទី២២ ខែមេសានេះដែរ មន្ត្រីនៃការរិយាល័យផលិតកម្ម និងបសុព្យាបាលបានចុះបាញ់ថ្នាំតាមទីសត្តឃាតជំនួន៤កន្លែង និងបានចែកថ្នាំដល់ម្ចាស់ទីសត្វឃាតទាំងអស់សម្រាប់លាយទឹកនិងបាញ់ថ្នាំដោយខ្លួនឯងជារៀងរាល់ថ្ងៃ ក្រោយពិឃាតសត្វរួចផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ