រាជធានីភ្នំពេញ ៖ យោងតាមការប្រជុំរបស់សហព័ន្ធ និងយោងតាមការឯកភាពរបស់បណ្ដាស្ថានីយទូរទស្សន៍ទាំងអស់ គឺកម្មវិធីប្រដាល់ប្រចាំសប្ដាហ៍ នឹងត្រូវបិទចោលចាប់ពីចុងសប្ដាហ៍នេះតទៅ បន្ទាប់ពីសហព័ន្ធស្នើឱ្យបិទប្រកួតតាំងពីផ្ទុះកូវីត១៩។ យ៉ាងណាមិញ សង្វៀទូរទស្សន៍អាស៊ីអាគ្នេយ៍បានសម្រេចបើកវិញ ដោយបើកមួយសង្វៀននៅថ្ងៃសៅរ៍ទី៤…
រាជធានីភ្នំពេញ ៖ យោងតាមការប្រជុំរបស់សហព័ន្ធ និងយោងតាមការឯកភាពរបស់បណ្ដាស្ថានីយទូរទស្សន៍ទាំងអស់ គឺកម្មវិធីប្រដាល់ប្រចាំសប្ដាហ៍ នឹងត្រូវបិទចោលចាប់ពីចុងសប្ដាហ៍នេះតទៅ បន្ទាប់ពីសហព័ន្ធស្នើឱ្យបិទប្រកួតតាំងពីផ្ទុះកូវីត១៩។
យ៉ាងណាមិញ សង្វៀទូរទស្សន៍អាស៊ីអាគ្នេយ៍បានសម្រេចបើកវិញ ដោយបើកមួយសង្វៀននៅថ្ងៃសៅរ៍ទី៤ ខែមីនា នេះ ក្រោយពីបិទចោលតាមគេតាមឯង។
លោក ញាណ សុធី អ្នករៀបចំកម្មវិធីប្រចាំទូរទស្សន៍អាស៊ីអាគ្នេយ៍អ្នករៀបចំកម្មវិធីបញ្ជាក់ថា លោកបានសម្រេចចិត្តបើកវិញមួយសង្វៀន ដោយការប្រកួតមួយសង្វៀនឡើងវិញនេះ គឺមិនមានការអនុញ្ញាតិអោយមានអ្នកចូលទស្សនាទេ ដោយលោកធ្វើឡើងសម្រាប់តែការផ្សាយផ្ទាល់លើផេក និងលើកញ្ចក់ទូរទស្សន៍សុទ្ធសាធ។
លោកថា ការប្រកួតឡើងវិញមួយសប្ដាហ៍នេះ អាចជាសាកល្បងប៉ុណ្ណោះ ប្រសិនបើមានការគាំទ្រ គឺអាចបន្តបន្ថែមរហូតដល់កៀកចូលឆ្នាំ និងក្រោយចូលឆ្នាំភ្លាមៗ។ ការបើកមួយប្រកួតឡើងវិញនេះ គឺជាប្រកួតមិត្តភាពរបស់ក្រុមហ៊ុនភេសជ្ជៈខារ៉ាបាវ ដែលជាជំនួបរវាង កីឡាករកម្ពុជា ហ៊ឹម សារ៉ាន់ និងកីឡាករកម្ពុជា មាស សុជាតិ អមដោយកីឡាករកម្ពុជាជាច្រើនគូផ្សេងទៀត។
លោកថា ការប្រកាសបើកឡើងវិញនេះ ទីមួយគឺដើម្បីកុំឱ្យកីឡាករ និង គណៈកម្មការរៀបចំការប្រកួតបាត់បង់ការងារទាំងស្រុង និងទី២ ដោយសារតែមានឯកភាពពីខាងស្ពុនស័រ។ ការប្រកួតនេះ នឹងផ្សាយផ្ទាល់លើផេក និងលើទូរទស្សន៍ចាប់ពីម៉ោង២រសៀលតទៅ នៅថ្ងៃសៅរ៍ទី៤ មេសា។ (កែសម្រួលដោយ ៖ បុប្ផា)
ចែករំលែកព័តមាននេះ