ប្រទេសបារាំង-អាមេរិក ៖ ដោយសារការឆ្លងរាលដាលខ្លាំងនៃវីរុស COVID-19 លើពិភពលោក ម៉ាសកំពុងមានការខ្វះខាត និងត្រូវការខ្លាំងបំផុតគ្រប់ទីកន្លែងទាំងអស់ ហើយម៉ាសជាច្រើនត្រូវបានគេពង្វាងយកទៅ ជាពិសេសនៅលើទីលាននៃព្រលានយន្កហោះតែម្ដង។ លោក…
ប្រទេសបារាំង-អាមេរិក ៖ ដោយសារការឆ្លងរាលដាលខ្លាំងនៃវីរុស COVID-19 លើពិភពលោក ម៉ាសកំពុងមានការខ្វះខាត និងត្រូវការខ្លាំងបំផុតគ្រប់ទីកន្លែងទាំងអស់ ហើយម៉ាសជាច្រើនត្រូវបានគេពង្វាងយកទៅ ជាពិសេសនៅលើទីលាននៃព្រលានយន្កហោះតែម្ដង។
លោក RENAUD MUSELIER ប្រធាន តំបន់PROVENCES ALPES COTE D’AZUR បារាំងអះអាងថា ទំនិញជាម៉ាសដែលតំបន់របស់លោកបានបញ្ជាទិញ ត្រូវបានពង្វាងឆ្ពោះទៅកាន់សហរដ្ឋអាមេរិក នៅទីលាននៃព្រលានយន្តហោះចិនមួយ។
ម៉ាសពេលនេះមានតម្លៃដូចមាស។ ប្រទេសជាច្រើនមានការខ្វះខាតម៉ាស សម្រាប់បំពាក់ឲ្យបុគ្គលិកពេទ្យ និងប្រជាជនពួកគេ ហើយប្រទេសមួយចំនួនពុំរារែកឡើយក្នុងការអនុវត្តវីធីស្មោកគ្រោក ដោយដណ្ដើមកាក់យកទំនិញនោះពីអ្នកដទៃ។
លោក RENAUD MUSELIER លាតត្រដាង តាមវិទ្យុបារាំង RT កាលពីថ្ងៃទី៣១ ខែមីនាថា លោកបានបញ្ជាទិញម៉ាសជាច្រើនលានពីអ្នកផ្គត់ផ្គង់ចិនមួយ សម្រាប់ផ្ដល់ឲ្យបណ្ដាគ្រឹះស្ថានសុខាភិបាលរបស់តំបន់ តែទំនិញពុំបានបញ្ជូនមកកាន់គោលដៅដែលបានគ្រោងទុកឡើយ។
នាព្រឹកថ្ងៃទី៣១ ខែមីនា ឆ្នាំ២០២០នោះ លើទីលានព្រលានយន្តហោះចិនមួយតែម្ដង ការបញ្ជាទិញម៉ាសរបស់បារាំង ត្រូវកាងទិញយកដោយពួកអាមេរិកដែលឲ្យប្រាក់ផ្ទាល់ដៃ ហើយយន្តហោះដែលដឹកម៉ាស ដែលត្រូវមកកាន់បារាំង បែរជាហោះចេញត្រង់ឆ្ពោះទៅកាន់សហរដ្ឋអាមេរិកវិញ ។ ប្រឈមមុខនឹងបញ្ហាបែបនេះលោកអះអាងថា ខ្ញុំកំពុងតែឲ្យមានកិច្ចការពារទំនិញនៅព្រលានយន្តហោះតែម្ដង ដើម្បីកុំឲ្យមានការរំលោភបំពានបែបនោះទៀត។
ប្រធានតំបន់ឯទៀតៗរបស់បារាំង ក៏អះអាងប្រាប់កាសែត LIBERATION ដោយមិនបញ្ចេញឈ្មោះដែរថា ពួកអាមេរិកត្រៀមធ្វើយ៉ាងណាក៏ដោយឲ្យតែបានម៉ាស។ ម៉ាសបានក្លាយជារបស់ត្រូវការខ្លាំងបំផុត និងពិបាករក ហើយពួកអាមេរិក ហ៊ា៊នឲ្យថៃ្លខ្ពស់ដល់ទៅទ្វេដងក៏មានដែរ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ