សេចក្តីទុក្ខមានអំណាចកម្ចាត់បង់នូវស្នាមញញឹមអស់គ្មានសល់ ដោយហោចទៅសូម្បីតែការសប្បាយដែលធ្លាប់តែអ្នកដទៃនិយាយលេងជាមួយ កាលពីមុនធ្លាប់តែសើចក្អាក់ក្អាយ ក៏ប្រែជាក្រៀមស្រពោន នេះក៏ព្រោះតែសេចក្តីទុក្ខមកញាំញីនេះឯង ។
សេចក្ដីទុក្ខមានច្រើនប្រភេទណាស់ វាកើតស្ទើរតែគ្រប់ពេលវេលាតាមតែចិត្តគំនិតរបស់មនុស្ស ដែលអ្នកខ្លះត្អូញត្អែរថា ខ្ញុំពិបាកចិត្តខ្លាំង, ខ្ញុំពិបាកចិត្តជាងគេ, គេធ្វើបាបចិត្តខ្ញុំ, កើតទុក្ខព្រោះបំណុល, គេមិនឲ្យតម្លៃ, គេមិននិយាយរក, គេមិនពេញចិត្តក្នុងការងារ ដែលខ្លួនបានធ្វើជាដើម ។ គំនិតបែបនេះមិនត្រឹមតែមិនអាចបន្ថយទុក្ខបានទេ តែវារឹងរឹតតែប្រមូលទុក្ខមកដាក់ក្នុងជីវិតកាន់តែធ្ងន់ថែមទៀត ។
សេចក្ដីទុក្ខរមែងកើតឡើងគ្រប់មនុស្សទាំងអស់ សេចក្ដីទុក្ខទាំងនេះ វាកើតតែអំពីចិត្តរបស់ អ្នកគិតហ្នឹងឯង គិតតាមផ្លូវធម៌នឹងបានសុខ តែបើជីវិតឥតធម៌នឹងជួបទុក្ខរាល់ថ្ងៃ ។ សាន សារិន
ចែករំលែកព័តមាននេះ