UEFA សម្រេចពន្យារពេលការប្រកួត UCL និង UEL ដោយមិនកំណត់ពេល
សហព័ន្ធទី្វបអឺរ៉ុប UEFA បានប្រកាសថា រាល់ការប្រកួតក្នុងក្របខ័ណ្ឌ Champions League និង Europa League រដូវកាលនេះទាំងអស់ត្រូវបានសម្រេចពន្យារពេលដោយមិនកំណត់…
សហព័ន្ធទី្វបអឺរ៉ុប UEFA បានប្រកាសថា រាល់ការប្រកួតក្នុងក្របខ័ណ្ឌ Champions League និង Europa League រដូវកាលនេះទាំងអស់ត្រូវបានសម្រេចពន្យារពេលដោយមិនកំណត់ រហូតដល់មានការជូនដំណឹងបន្ថែមទៀតដោយ UEFA ក្រោយពីមើលឃើញថា ស្ថានភាពនៃការផ្ទុះវីរុស COVID-19 នៅតែបន្តរីករាលដាលខ្លាំងនៅជុំវិញពិភពលោក ។
ការសម្រេចនេះ គឺនៅក្រោយការជួបប្រជុំគ្នាបន្ទាន់មួយ ពីសមាគមបាល់ទាត់ ដែលជាសមាជិកចំនួន៥៥ របស់គណៈអភិបាលប្រចាំទ្វីបអឺរ៉ុប កាលពីថ្ងៃពុធម្សិលមិញ ។
សូមបញ្ជាក់ថា គិតមកដល់ព្រឹកថ្ងៃទី២ ខែ មេសា ឆ្នាំ ២០២០ នេះ ករណីអ្នកឆ្លងវីរុស COVID-19 នៅទូទាំងពិភពលោកបានកើនឡើងដល់ជាង ៩៣៥,០០០ករណី ខណៈដែលអ្នកបាត់បង់ជីវិតក៏បានកើនឡើងដល់៤៧,១៩៤នាក់ ៕ (ដកស្រង់ចេញពី BBC)
ចែករំលែកព័តមាននេះ