ប្រទេសអ៊ីតាលី ៖ Tommy គឺជាមនុស្សយន្តមួយក្នុងចំណោមមនុស្សយន្តថ្មីចំនួន៦គ្រឿង ដែលកំពុងជួយគ្រូពេទ្យ និងគិលានុបដ្ឋាយិកា ថែរក្សាអ្នកជំងឺកូវីដ១៩ នៅមន្ទីរពេទ្យ Circolo ក្នុងទីក្រុង…
ប្រទេសអ៊ីតាលី ៖ Tommy គឺជាមនុស្សយន្តមួយក្នុងចំណោមមនុស្សយន្តថ្មីចំនួន៦គ្រឿង ដែលកំពុងជួយគ្រូពេទ្យ និងគិលានុបដ្ឋាយិកា ថែរក្សាអ្នកជំងឺកូវីដ១៩ នៅមន្ទីរពេទ្យ Circolo ក្នុងទីក្រុង Varese ដែលជាទីក្រុងមួយនៅភាគខាងជើងតំបន់ Lombardy ដែលជាចំណុចកណ្តាលនៃការផ្ទុះឡើងនៃជំងឺកូវីដ១៩ នៅប្រទេសអ៊ីតាលី។
លោកវេជ្ជបណ្ឌិត Francesco Dentali ប្រធានផ្នែកថែទាំនៅមន្ទីរពេទ្យ បានមានប្រសាសន៍ថា៖ «វាដូចជាមានគិលានុប្បដ្ឋាយិកាម្នាក់ទៀត ដែលគ្មានបញ្ហាទាក់ទងនឹងការឆ្លងមេរោគ»។
មនុស្សយន្តដែលមានទំហំប៉ុនកូនក្មេង មានភ្នែកភ្លឹបភ្លែតៗ ត្រូវបានរុញចូលបន្ទប់ ហើយទុកចោលក្បែរគ្រែរបស់អ្នកជំងឺ។ ដូច្នេះគ្រូពេទ្យអាចមើលថែអ្នកដទៃ ដែលមានស្ថានភាពធ្ងន់ធ្ងរជាងនេះ។ ពួកគេត្រួតពិនិត្យប៉ារ៉ាម៉ែត្រ ពីឧបករណ៍នៅក្នុងបន្ទប់ ហើយបញ្ជូនទៅបុគ្គលិកមន្ទីរពេទ្យ។ មនុស្សយន្តនេះមានមុខអេក្រង់ប៉ះដែលអាចឱ្យអ្នកជំងឺកត់ត្រាសារ ហើយបញ្ជូនទៅឱ្យគ្រូពេទ្យ។
អ្វីដែលសំខាន់បំផុតនោះ Tommy អនុញ្ញាតឱ្យមន្ទីរពេទ្យកាត់បន្ថយចំនួនវេជ្ជបណ្ឌិត និងគិលានុបដ្ឋាយិកា ដែលមានទំនាក់ទំនងផ្ទាល់ជាមួយអ្នកជំងឺ ដែលអាចកាត់បន្ថយហានិភ័យនៃការឆ្លង។
គួរបញ្ជាក់ផងដែរថា បុគ្គលិកសុខាភិបាលអ៊ីតាលីជាង ៤០០០នាក់ បានឆ្លងជំងឺកូវីដ១៩ ដោយសារតែព្យាបាលអ្នកជំងឺ នៅក្នុងប្រទេសអ៊ីតាលី ហើយវេជ្ជបណ្ឌិតចំនួន ៦៦នាក់បានបាត់បង់ជីវិត ៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ