COVID-19 ឡាវរកឃើញ១ករណីថ្មី មន្ត្រីសុខាភិបាលធ្វើសន្និសីទកាសែត
ទីក្រុងវៀងចន្ទន៍ ៖ នៅថ្ងៃទី១ ខែមេសានេះ ប្រទេសឡាវ បានបញ្ជាក់ថា រកឃើញអ្នកឆ្លងកូវីដ១៩ ម្នាក់ទៀត នាំឲ្យចំនួនសរុបកើនឡើងដល់ ១០ករណី…
ទីក្រុងវៀងចន្ទន៍ ៖ នៅថ្ងៃទី១ ខែមេសានេះ ប្រទេសឡាវ បានបញ្ជាក់ថា រកឃើញអ្នកឆ្លងកូវីដ១៩ ម្នាក់ទៀត នាំឲ្យចំនួនសរុបកើនឡើងដល់ ១០ករណី…
ទីក្រុងវៀងចន្ទន៍ ៖ នៅថ្ងៃទី១ ខែមេសានេះ ប្រទេសឡាវ បានបញ្ជាក់ថា រកឃើញអ្នកឆ្លងកូវីដ១៩ ម្នាក់ទៀត នាំឲ្យចំនួនសរុបកើនឡើងដល់ ១០ករណី ។
យោងតាមរដ្ឋលេខាធិការក្រសួងសុខាភិបាលឡាវ លោក Phouthone Moungpak ថ្លែងនៅក្នុងសន្និសីទកាសែត នៅថ្ងៃពុធនេះ ក្នុងទីក្រុងវៀងចន្ទន៍ ប្រទេសឡាវ បានអោយដឹងថា ករណីថ្មី នៃអ្នកឆ្លងកូវីដ-១៩ គឺស្ត្រី អាយុ២១ឆ្នាំ រស់នៅក្នុងទីក្រុងវៀងចន្ទន៍ ដែលមានទំនាក់ទំនងជិតស្និទ្ធជាមួយ អ្នកឆ្លងករណីទី៨ ដែលធ្លាប់បានប្រកាសកាលពីថ្ងៃសៅរ៍ ។
ស្ត្រីអ្នកជំងឺ កំពុងសសម្រាកព្យាបាលនៅមន្ទីរពេទ្យមិត្តភាព Mittaphab នៅទីក្រុងវៀងចន្ទន៍ ហើយរូបនាងមិនមានស្ថានភាពធ្ងន់ធ្ងរទេ ។
គិតត្រឹមថ្ងៃពុធនេះ មានអ្នកជំងឺកូវីដ១៩ ចំនួន៧នាក់ ត្រូវបានព្យាបាលនៅមន្ទីរពេទ្យមិត្តភាព ក្នុងទីក្រុងវៀងចន្ទន៍ និងអ្នកជំងឺ៣ នាក់ផ្សេងទៀត កំពុងព្យាបាលនៅមន្ទីរពេទ្យ ក្នុងខេត្តហ្លួងព្រះបាង ។
លោក Moungpak បាននិយាយថា ពួកគេទាំងអស់ មានសុខភាពល្អធម្មតាទេ ហើយការព្យាបាលក៏បានល្អដែរ ។
សូមជម្រាបថា ឡាវបានរកឃើញករណីដំបូង នៅក្នុងប្រទេសនេះ ចេញពីមគ្គុទេ្ទសក៍ទេសចរណ៍ស្ត្រី និងបុគ្គលិកសណ្ឋាគារប្រុសៗ និងបន្តបន្ទាប់ គឺជាពាណិជ្ជករ អាយុ២៦ឆ្នាំ នៅទីក្រុងវៀងចន្ទន៍ និងមិត្តភក្តិរបស់បុគ្គលិកសណ្ឋាគារប្រុសៗ ៕
ចែករំលែកព័តមាននេះ