អាជីវកម្មជាច្រើនកំពុងតែប្រឈមមុខនឹងបញ្ហាដែលបង្កឡើងដោយវីរុសកូវីដ-១៩ ដែលធ្វើឲ្យមានការកាត់បន្ថយបុគ្គលិក ឬប្រាក់ខែជាដើម ។ ប៉ុន្តែមុនពេលសម្រេចចិត្តកាត់បន្ថយចំនួនបុគ្គលិករបស់អ្នក ចូរពិចារណាលើវីធីសាស្ត្រគ្រប់គ្រងប្រាក់ខែខាងក្រោមនេះជាមុនសិន៖ ១. ផ្អាកការចាយវាយលើអ្វីដែលមិនសំខាន់ មិនថាជាឧបករណ៍ថ្មី ឬគំនិតថ្មីៗដែលអ្នកចង់សាកល្បងទេ…
អាជីវកម្មជាច្រើនកំពុងតែប្រឈមមុខនឹងបញ្ហាដែលបង្កឡើងដោយវីរុសកូវីដ-១៩ ដែលធ្វើឲ្យមានការកាត់បន្ថយបុគ្គលិក ឬប្រាក់ខែជាដើម ។ ប៉ុន្តែមុនពេលសម្រេចចិត្តកាត់បន្ថយចំនួនបុគ្គលិករបស់អ្នក ចូរពិចារណាលើវីធីសាស្ត្រគ្រប់គ្រងប្រាក់ខែខាងក្រោមនេះជាមុនសិន៖
១. ផ្អាកការចាយវាយលើអ្វីដែលមិនសំខាន់
មិនថាជាឧបករណ៍ថ្មី ឬគំនិតថ្មីៗដែលអ្នកចង់សាកល្បងទេ កំឡុងពេលនេះមិនមែនជាពេលល្អក្នុងការវិនិយោគលើអ្វីដែលថ្មីឡើយ ជាពិសេសលើបុគ្គលិកថ្មី លុះត្រាតែអ្នកជាអាជីវកម្មដែលពាក់ព័ន្ធទៅនឹងផលិតផលឬសេវាកម្មដែលកំពុងមានតម្រូវការខ្ពស់នាពេលបច្ចុប្បន្ននេះ។
២. ផ្តោតស្មារតីលើប្រាក់ចំណូល
តើអ្នកអាចផ្តល់ជាផលិតផល ឬសេវាកម្មអ្វីបានប្រសិនបើអ្នកមិនអាចដំណើរការអាជីវកម្មបានងាយដូចមុន? តើមានមធ្យោបាយអ្វីដែលអ្នកអាចអនុវត្តដើម្បីរក្សាប្រាក់ចំណូលឲ្យបាននឹងនរដើម្បីទប់ទល់នឹងការចាយវាយចាំបាច់ដូចជាថ្លៃជួល និងប្រាក់ខែបុគ្គលិកទេ? ឧទាហរណ៍ងាយទាក់ទិននឹងចំណុចនេះរួមមានដូចជាភោជនីយដ្ឋានដែលចាប់ផ្តើមសហការជាមួយក្រុមហ៊ុនផ្តល់សេវាដឹកជញ្ជូនដើម្បីដឹកម្ហូបអាហារជូនដល់ដៃអតិថិជននៅតាមផ្ទះជាដើម ។
៣. កាត់បន្ថយប្រាក់ខែ
ចំណុចសំខាន់ដែលអ្នកត្រូវដឹងមុនពេលធ្វើការកាត់ប្រាក់ខែបុគ្គលិក គឺអ្នកត្រូវវិភាគឲ្យដឹងជាមុនសិនថាពួកគេត្រូវការថវិកាប៉ុន្មានសម្រាប់ការរស់នៅប្រចាំថ្ងៃ និងធ្វើការកាត់បន្ថយតាមតួរលេខនោះ ។ បើសិនជាអាច អ្នកគួរតែកាត់បន្ថយប្រាក់ខែរបស់បុគ្គលិកដែលមានតំណែងខ្ពស់មុនព្រោះប្រាក់ខែពួកគេតែងតែមានកម្រិតខ្ពស់ស្រាប់ ។
អ្វីដែលអ្នកត្រូវធ្វើស្របជាមួយគ្នានោះ គឺបកស្រាយឲ្យបានច្បាស់ពីស្ថានការ និងបញ្ហាដែលក្រុមហ៊ុនកំពុងតែជួបប្រទះ ហើយអ្នកបានសម្រេចចិត្តដូច្នេះព្រោះអ្នកមិនចង់បាត់បង់បុគ្គលិករបស់អ្នកំទាងស្រុង ។ លើសពីនេះទៅទៀត អ្នកអាចសន្យាថានឹងដំឡើងប្រាក់ខែជូនពួកគេវិញពេលដែលស្ថានការមានការប្រសើរឡើង ៕
ចែករំលែកព័តមាននេះ