ខេត្តបន្ទាយមានជ័យ ៖ គិតត្រឹមម៉ោង១០យប់ថ្ងៃទី៣១ មីនា ឆ្នាំ ២០២០ មានជនជាតិថៃដែលត្រូវឆ្លងព្រំដែនពីកម្ពុជាតាមច្រកទ្វារអន្តរជាតិប៉ោយប៉ែតទៅប្រទេសកំណើតវិញចំនួន៤៤៦នាក់ ដែលចំនួននេះបូករួមទាំងជនជាតិថៃដែលធ្វើដំណើរមកពីភ្នំពេញ១២នាក់ផងដែរ ។ នេះបើតាមការឲ្យដឹងពីសមត្ថកិច្ចជំនាញនៅមាត់ច្រកទ្វារអន្តរជាតិប៉ោយប៉ែត។…
ខេត្តបន្ទាយមានជ័យ ៖ គិតត្រឹមម៉ោង១០យប់ថ្ងៃទី៣១ មីនា ឆ្នាំ ២០២០ មានជនជាតិថៃដែលត្រូវឆ្លងព្រំដែនពីកម្ពុជាតាមច្រកទ្វារអន្តរជាតិប៉ោយប៉ែតទៅប្រទេសកំណើតវិញចំនួន៤៤៦នាក់ ដែលចំនួននេះបូករួមទាំងជនជាតិថៃដែលធ្វើដំណើរមកពីភ្នំពេញ១២នាក់ផងដែរ ។ នេះបើតាមការឲ្យដឹងពីសមត្ថកិច្ចជំនាញនៅមាត់ច្រកទ្វារអន្តរជាតិប៉ោយប៉ែត។
មន្ត្រីការិយាល័យទំនាក់ទំនងព្រំដែនកម្ពុជាថៃប្រចាំច្រកទ្វារអន្តរជាតិប៉ោយប៉ែតប្រាប់ថា ក្នុងចំណោមនេះមានអ្នកប្រើប្រាស់ប័ណ្ណឆ្លងព្រំដែន (Border Pass) ជាង១០០នាក់ ក្រៅពីនេះគឺប្រើប្រាស់លិខិតឆ្លងដែន។
គួរបញ្ជាក់ថា ប្រជាពលរដ្ឋថៃទាំងអស់ខាងលើគឺជាអ្នកបំរើការងារនៅតាមកាស៊ីណូក្នុងក្រុងប៉ោយប៉ែតនិង១២នាក់ធ្វើការផ្នែកជាងនៅភ្នំពេញ ។ ប្រជាពលរដ្ឋថៃចាកចេញពីកម្ពុជា ស្របពេលដែលដឹងថារដ្ឋាភិបាលកម្ពុជាបិទកាស៊ីណូទាំងអស់នៅទូទាំងប្រទេសចាប់ពីថ្ងៃទី១ មេសានេះ។
មានការកត់សម្គាល់ថា មុខផ្លូវចូលកាស៊ីណូស្ទើរតែអស់មានកាដាក់រនាំងដែកបិទព្រោងព្រៀតជាសញ្ញាបញ្ជាក់ថា កាស៊ីណូបិទហើយ ។ ជាមួយគ្នានេះដែរ មានជនជាតិថៃមួយចំនួនមិនទាន់ចេញពីកម្ពុជានៅឡើយទេ ដោយកំពុងរង់ចាំការអន្តរាគមន៍សុំពីអាជ្ញាធរនិងសមត្ថកិច្ចរបស់គេទាក់ទងមកអាជ្ញាធរនិងសមត្ថកិច្ចកម្ពុជា ៕ (កែសម្រួលដោយ ៖ ធីតា)
ចែករំលែកព័តមាននេះ