រាជធានីភ្នំពេញ ៖ ខណៈការរីករាលដាលជំងឺកូវីដ-១៩ រាជរដ្ឋាភិបាលកម្ពុជាបានប្រកាសឱ្យប្រជាពលរដ្ឋត្រៀមស្បៀងបម្រុងជាយុទ្ធសាស្ត្រមាន អង្ករ និងអំបិលជាដើម ។
យោងតាមសេចក្តីជូនដំណឹងស្តីពីលទ្ធផលនៃសម័យប្រជុំគណៈអចិន្ត្រៃយ៍គណៈរដ្ឋមន្ត្រី នៅថ្ងៃទី៣១ មីនា ឆ្នាំ២០២០ បានគូសបញ្ជាក់យ៉ាងដូច្នេះ «ក្នុងកាលៈទេសៈដ៏លំបាកនៃការរីករាលដាលការឆ្លងជំងឺវីរុសកូវីដ-១៩ នេះ ត្រូវជំរុញវិស័យកសិកម្មក្នុងស្រុក ដែលជាចំណុចខ្លាំងរបស់កម្ពុជា ត្រូវស្តុកបម្រុងទុកនៅទំនិញយុទ្ធសាស្ត្រដូចជាអង្ករនឹងអំបិល» ។
រាជរដ្ឋាភិបាល ក៏មិនអនុញ្ញាតនាំចេញស្រូវនិងអង្ករស លើកលែងតែក្រអូបត្រូវអនុវត្តចាប់ពីថ្ងៃទី៥ ខែ មេសា ឆ្នាំ២០២០ រហូតដល់មានវិធានការជាថ្មី។ ទន្ទឹមនឹងនេះ ត្រូវត្រៀមទំនិញយុទ្ធសាស្ត្រផ្នែកសុខាភិបាលដូចជាម៉ាស់ ទឹកអាកុល សម្លៀកបំពាក់ សម្រាប់គ្រូពេទ្យ ។
រាជរដ្ឋាភិបាល ក៏បានឲ្យប្រជាពលរដ្ឋត្រូវចិត្តទុកដាក់ចំពោះទឹកអាកុល និងម៉ាស ជាទំនិញយុទ្ធសាស្ត្រសម្រាប់បម្រុងទុកប្រើប្រាស់ក្នុងកាលៈទេសៈនៃការរីករាលដាលនៃវីរុសកូវីដ-១៩ ។ ជាមួយគ្នានោះដែររាជរដ្ឋាភិបាលបានសម្រេចបញ្ជាទិញម៉ាស់ចំនួន៥លាន២សែន ក្នុងនោះពីក្រៅប្រទេសចំនួន៤លាន និងពីរោងចក្រផលិតនៅខេត្តព្រះសីហនុចំនួន១លាន២សែន ដើម្បីត្រៀមចែកចាយជូនប្រជាពលរដ្ឋនិងផ្ដល់ជូនមន្ត្រីពេទ្យមួយចំនួន។
ជាងនេះទៅទៀត ក្រៅពីសម្លៀកបំពាក់ដែលត្រូវបានផលិតនៅខេត្តស្វាយរៀងរដ្ឋាភិបាល ក៏បានបញ្ជាទិញណាស់ សម្រាប់គ្រូពេទ្យចំនួនជាង20ម៉ឺនបន្ថែមទៀត ដើម្បីសម្រាកឲ្យសេចក្តីត្រូវការខាងផ្នែកវេជ្ជសាស្ត្រនាពេលខាងមុខ។ រដ្ឋាភិបាលមានគោលបំណង តែខ្លាចរោងចក្រមួយចំនួនដូចជាផលិតម៉ាស់និងអាកុលនិងសម្ភារៈបរិក្ខាវេជ្ជសាស្ត្រសំរាប់គង្សធ្វើឲ្យរដ្ឋ ដើម្បីប្រើប្រាស់នៅក្នុងស្រុកតែម្ដង ។
ចែករំលែកព័តមាននេះ