សាលាដំបូងខេត្តសម្រេចហើយ! បុរសជនជាតិចិនដែលកា.ប់២នាក់ប្តីប្រពន្ធឥតប្រណី
- កណ្តាល
ខេត្តកណ្ដាល ៖ បើតាមសេចក្តីរាយការណ៍បឋមបានឱ្យដឹងថា នៅល្ងាចថ្ងៃទី៣១ ខែមីនា ឆ្នាំ២០២០ លោក ជា សុខហៀង ចៅក្រមសើបសួរសាលាដំបូងខេត្តកណ្តាល…
ខេត្តកណ្ដាល ៖ បើតាមសេចក្តីរាយការណ៍បឋមបានឱ្យដឹងថា នៅល្ងាចថ្ងៃទី៣១ ខែមីនា ឆ្នាំ២០២០ លោក ជា សុខហៀង ចៅក្រមសើបសួរសាលាដំបូងខេត្តកណ្តាល…
ខេត្តកណ្ដាល ៖ បើតាមសេចក្តីរាយការណ៍បឋមបានឱ្យដឹងថា នៅល្ងាចថ្ងៃទី៣១ ខែមីនា ឆ្នាំ២០២០ លោក ជា សុខហៀង ចៅក្រមសើបសួរសាលាដំបូងខេត្តកណ្តាល បានសម្រចចេញដីការឃុំខ្លួនជនដៃដល់ជាជនជាតិចិនហើយ ដោយដាក់ពន្ធនាគារបណ្តោះអាសន្នពីបទ «ប៉ុនប៉ងឃាតកម្ម» តាមមាត្រា២៧ , ១៩៩ នៃក្រមព្រហ្មទណ្ឌ ក្រោយពេលដែលជនដៃដល់រូបនេះបានយកកាំបិតកាប់ទៅប្ដីប្រពន្ធជាជនជាតិវៀតណាមជាច្រើនកាំបិត ដោយសាររឿងគំនុំ ដែលប្រព្រឹត្តិនៅភូមិជ្រៃធំ ឃុំសំពៅពូន ស្រុកកោះធំ កាលពីម៉ោង១និង១០នាទីរំលងអធ្រាត្រឈានចូលថ្ងៃទី៣០ ខែមីនា ឆ្នាំ២០២០ កន្លងទៅ។
សេចក្តីរាយការណ៍បន្តថា ជនត្រូវចោទខាងលើឈ្មោះ លី លាំងហាវ (LI LIANGHAO) ភេទប្រុស អាយុ៣២ឆ្នាំ ជនជាតិចិន ស្នាក់នៅបន្ទប់ជួលលេខ១ ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ មុខរបរមិនពិតប្រាកដ។ ចំណែកជនរងគ្រោះ២នាក់ ១-ឈ្មោះ ង្វៀង យ៉ាំងយ៉ុង ភេទប្រុស អាយុ៥៩ឆ្នាំ ជនជាតិវៀតណាម មុខរបរលក់គុយទាវ (រងរបួសធ្ងន់) និង២-ឈ្មោះ ដង ធីយឹង ភេទស្រី អាយុ៥៧ឆ្នាំ ជនជាតិវៀតណាម មុខរបរលក់ដូរគុយទាវ (រងរបួសធ្ងន់) អ្នកទាំង២មានទីលំនៅភូមិជ្រៃធំ ឃុំសំពៅពូន ស្រុកកោះធំ ។
បើតាមលោកស្នងការនគរបាលខេត្ត ថ្លែងប្រាប់ឱ្យដឹងថ៖ ជនដៃដល់ដែលកាប់២នាក់ប្ដីប្រពន្ធខាងលើនេះ បណ្តាលឱ្យរបួសធ្ងន់នោះ បានសារភាពថា កើតឡើងដោយសាររឿងគំនុំ ព្រោះតែខឹងជនរងគ្រោះជេរខ្លួនថា បានទៅនោមមុខផ្ទះរបស់ជនរងគ្រោះ។
គួររំលឹកថា នៅថ្ងៃទី២៩ ខែមីនា ឆ្នាំ២០២០ បន្ទាប់ពីជនរងគ្រោះទាំង២នាក់ប្តីប្រពន្ធលក់ដូររួច និងរៀបចំទុកដាក់ឥវ៉ាន់រួចហើយនោះ នៅពេលយប់ជនរងគ្រោះ២នាក់បានចូលដេកក្នុងតូបលក់គុយទាវរបស់ខ្លួន លុះមកដល់ម៉ោង១រំលងអធ្រាតឈានចូលថ្ងៃទី៣០ មីនា ស្រាប់តែមានជនសង្ស័យមិនស្គាល់អត្ដសញ្ញាណម្នាក់បានដើរចូលមកកន្លែងដេកជនរងគ្រោះ រួចយកកាំបិតកាប់ទៅលើជនរងគ្រោះទាំង២នាក់ជាច្រើនកាំបិត បណ្ដាលឲ្យរងរបួសធ្ងន់ទាំង២នាក់។
ក្រោយមកក៏មានការប្រវាយប្រតប់គ្នា ហើយជនរងគ្រោះជាប្រពន្ធបានស្រែកហៅអ្នកលក់ផ្លែឈើនៅក្បែរនោះឲ្យជួយ តែភ្លាមនោះជនសង្ស័យបានរត់គេចចេញពីកន្លែងកើតហេតុបាត់តែម្ដង។ ចំណែកជនរងគ្រោះ ត្រូវបានអ្នកជិតខាងយកទៅសង្គ្រោះព្យាបាលនៅប្រទេសវៀតណាម។
គួររំលឹកទៀតថា ចាប់បានហើយ! បុរសម្នាក់ចប់ត្រឹមកាមេរ៉ា ក្រោយកាប់២នាក់ប្ដីប្រពន្ធក្នុងផ្ទះ ។ (កែសម្រួលដោយ ៖ បុប្ផា)
ចែករំលែកព័តមាននេះ