រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងមានសមត្ថកិច្ចចាប់ឃាត់ខ្លួន ក្រោយពីបានធ្វើសកម្មភាពលួចយកទូរស័ព្ទដៃចំនួន២គ្រឿងពីចង្កេះរបស់បុរសម្នាក់កំពុងដេកនៅលើកង់បីមួយគ្រឿង ធ្វើឱ្យបុរសរងគ្រោះរសើបៗចង្កេះក៏ភ្ញាក់ដឹងខ្លួនទាន់ រួចដេញតាម និងស្រែកឆោឡោ បង្កការភ្ញាក់ផ្អើលដល់សមត្ថកិច្ច និងប្រជាពលរដ្ឋនាំគ្នាដេញចាប់បាន និងដកហូតទូរស័ព្ទទាំង២គ្រឿងនោះយកវិញ…
រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងមានសមត្ថកិច្ចចាប់ឃាត់ខ្លួន ក្រោយពីបានធ្វើសកម្មភាពលួចយកទូរស័ព្ទដៃចំនួន២គ្រឿងពីចង្កេះរបស់បុរសម្នាក់កំពុងដេកនៅលើកង់បីមួយគ្រឿង ធ្វើឱ្យបុរសរងគ្រោះរសើបៗចង្កេះក៏ភ្ញាក់ដឹងខ្លួនទាន់ រួចដេញតាម និងស្រែកឆោឡោ បង្កការភ្ញាក់ផ្អើលដល់សមត្ថកិច្ច និងប្រជាពលរដ្ឋនាំគ្នាដេញចាប់បាន និងដកហូតទូរស័ព្ទទាំង២គ្រឿងនោះយកវិញ ។
ហេតុការណ៍ខាងលើនេះដែរបានបង្កការភ្ញាក់ផ្អើលកើតឡើងកាលពីវេលាម៉ោង១២ និង ៣០នាទីថ្ងៃត្រង់ថ្ងៃទី៣១ ខែមីនា ឆ្នាំ ២០២០ នៅក្នុងទីក្រុងកោះពេជ្រ ក្នុងសង្កាត់ទន្លេបាសាក់ ខណ្ឌចំការមន។
តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា ជនសង្ស័យដែលបានចាប់ឃាត់ខ្លួនមានឈ្មោះ ង៉េត បុរី ភេទប្រុស អាយុ៣៤ឆ្នាំ មុខរបរមិនពិតប្រាកដ មានទីលំនៅម្តុំចោមចៅ ខណ្ឌពោធិសែនជ័យ។
តាមប្រភពដដែលបានបន្តថា មុនពេលកើតហេតុ ក្រោយពីបុរសជាជនរងគ្រោះនិងបុរសម្នាក់ទៀតជាអ្នកធ្វើការជាមួយគ្នាបានដើរជូត និងបាញ់ទឹកអាល់កុលសំអាតទៅតាមទូ ATM របស់ធនាគារមួយកន្លែងនៅក្នុងកោះពេជ្ររួចរាល់ហើយនោះ ពួកគាត់ក៏បាននាំគ្នាបើកកង់បីមួយគ្រឿងទៅអង្គុយហូបបាយនៅក្រោមម្លប់ដើមស្វាយមួយដើមនៅក្បែរនោះ។
តាមប្រភពដដែលបានប្រាប់បន្តទៀតថា ក្រោយពេលដែលពួកគាត់ហូបបាយរួចក៏នាំ គ្នាឡើងទៅសំរាកនៅលើកង់បី និងដេកលក់មួយភាំង ស្រាប់តែលេចមុខជនសង្ស័យម្នាក់ខាងលើមកលូកយកទូរស័ព្ទទាំង២គ្រឿងដាក់ក្នុងកាបូបជាប់ចង្កេះរសើបៗធ្វើអោយបុរសរងគ្រោះដឹងខ្លួនទាន់ ក៏នាំគ្នារដេញតាមស្រែកឆោឡោបង្កការភ្ញាក់ទៅដល់ក្រុមសន្តិសុខយាមនៅកោះពេជ្រនាំគ្នាជួយដេញចាប់បាននិងយកទូរស័ព្ទដៃទាំង ២គ្រឿងយកមកវិញបានភ្លាមៗផងដែរ និងនាំជនសង្ស័យយកមកប្រគល់អោយកម្លាំងនគរបាលប៉ុស្តិ៍ទន្លេបាសាក់តែម្តង។
ក្រោយពេលកើតហេតុ ទូរស័ព្ទដៃទាំង២គ្រឿងត្រូវបានកម្លាំងមានសមត្ថកិច្ចនគរបាលបាលប៉ុស្តិ៍ទន្លេរបាសាក់ធ្វើការប្រគល់ទៅអោយបុរសជាជនរងគ្រោះវិញ ចំណែកឯជនសង្ស័យម្នាក់ខាងលើត្រូវបានបញ្ជូនទៅកាន់អធិការដ្ឋាននគរបាលខណ្ឌចំការមន ដើម្បីចាត់ការទៅតាមផ្លូវច្បាប់ជាបន្តទៅទៀត ៕ (កែសម្រួលដោយ ៖ ធីតា)
ចែករំលែកព័តមាននេះ