រាជធានីភ្នំពេញ ៖ យោងតាមនាយកដ្ឋានប្រឆាំងបទល្មើសបច្ចេកវិទ្យាបានឱ្យដឹងថា កំពុងធ្វើការស្រាវជ្រាវទៅលើផេកមួយឈ្មោះ Yana Shanko ដែលធ្វើការបង្ហោះផ្សព្វផ្សាយទៅទៅនឹងការផលិត និងដាក់ឱ្យប្រើប្រាស់ឧបករណ៍បាញ់សម្លាងប់មេរោគកូវីដ-១៩ដោយស្វ័យប្រវត្តិ ។ ការចុះស្រាវជ្រាវនេះ…
រាជធានីភ្នំពេញ ៖ យោងតាមនាយកដ្ឋានប្រឆាំងបទល្មើសបច្ចេកវិទ្យាបានឱ្យដឹងថា កំពុងធ្វើការស្រាវជ្រាវទៅលើផេកមួយឈ្មោះ Yana Shanko ដែលធ្វើការបង្ហោះផ្សព្វផ្សាយទៅទៅនឹងការផលិត និងដាក់ឱ្យប្រើប្រាស់ឧបករណ៍បាញ់សម្លាងប់មេរោគកូវីដ-១៩ដោយស្វ័យប្រវត្តិ ។
ការចុះស្រាវជ្រាវនេះ គឺមានមានបញ្ជាផ្ទាល់ពីលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នាយកដ្ឋានប្រឆាំងបទល្មើសបច្ចេកវិទ្យា ដើម្បីធ្វើការស្រាវជ្រាវទៅលើផេក Yana Shanko ដែលបានបង្ហោះផ្សព្វផ្សាយនេះ។
យោងនាយកដ្ឋានប្រឆាំងបទល្មើសបច្ចេកវិទ្យា ក៏បានទាក់ទងទៅអ្នកផលិតឧបករណ៍នោះ ដើម្បីធ្វើការសាកសួរយកព័ត៌មានលម្អិត ហើយអ្នកផលិតឧបករណ៍នោះក៏បានបញ្ជាក់ថា «តាមការពិត ឧបករណ៍នោះប្រើសម្រាប់បាញ់អាល់កុល ដោយស្វ័យប្រវត្តិរាល់ពេលមានមនុស្សឆ្លងកាត់ប៉ុណ្ណោះ ប៉ុន្តែមិនមានន័យថា វាអាចសម្លាប់មេរោគកូវីត-១៩ បានទេ»។
ដូច្នេះ ហើយសូមបងប្អូនប្រជាពរដ្ឋទាំងអស់ កុំមានការយល់ច្រឡំ ព្រោះនេះមិនមែនជាការពិតទេដែលថាឧបករណ៍នេះ អាចសម្លាប់មេរោគកូវីត-១៩បាន១០០% ដោយស្វ័យប្រវត្តិ ដូចដែលបានផ្សព្វផ្សាយបំផ្លើសក្នុងផេកមួយចំនួននោះ។
គួរបញ្ជាក់ផងដែរថា បច្ចុប្បន្ននេះ ពុំទាន់មានឧបករណ៍មួយណាដែលអាចព្យាបាល ឬសម្លាប់មេរោគកូវីត-១៩បាន ដែលទទួលស្គាល់ពីអង្គការសុខភាពពិភពលោក ឬក្រសួងសុខាភិបាលនៅឡើយទេ ចំពោះការផ្សព្វផ្សាយខាងលើជាការផ្សព្វផ្សាយបំភ្លើស និង ជាព័ត៌មានមិនពិត ពេលនេះនាយកដ្ឋានប្រឆាំងបទល្មើសបច្ចេកវិទ្យា កំពុងធ្វើការស៊ើបរកជនបំពុលសង្គមទាំងនោះមកចាត់វិធានការតាមផ្លូវច្បាប់ ៕
ចែករំលែកព័តមាននេះ