រាជធានីភ្នំពេញ ៖ អ្នកលក់ដូរនៅក្បែរព្រះបរមរាជវាំងត្អូញត្អែរលក់មិនដាច់ធ្វើឲ្យពួកគាត់ស្ទើរដាច់បាយ បន្ទាប់ពីមានករណីផ្ទុះជំងឺឆ្លងកូវី១៩ នៅប្រទេសកម្ពុជា ហើយមានការបិទផ្អាកជាបណ្តោះអាសន្នព្រះបរមរាជវាំងមួយរយៈពេល មិនអនុញ្ញាតឲ្យសាធារណៈជន និងជនបរទេសចូលទស្សនា ។
បងស្រីម្នាក់ប្របកមុខរបលក់ផ្កាឈូក ផ្កាម្លិះ សុំមិនបញ្ចេញឈ្មោះ មានក្នុងទឹកមុខស្រងូតស្រងាត់ និងដៃកំពុងក្រងផ្កាក្លាសេទុកលក់ បាននិយាយត្អូញត្អែរយ៉ាងដូច្នេះថា ក្នុងមួយថ្ងៃគាត់លក់មិនដាច់នោះទេ គឺខុសពីមុន បន្ទាប់ពីផ្ទុះជំងឺកូវីដ១៩ នៅកម្ពុជានេះ បន្ទាប់ពីការបិទកន្លែងកម្សាន្ត ការ៉ាអូខេ និងព្រះបរមរាជវាំងជាបណ្តោះអាសន្ន ។ បងស្រីបញ្ជាក់យ៉ាងដូច្នេះថា ៖«ខ្ញុំស្ទើរដាច់បាយហើយ ដោយពេលមុនខ្ញុំធ្លាប់លក់បានលុយ១០ទៅជាង១០ម៉ឺនរៀល ប៉ុន្តែឡូវបានលុយតែ៥ពាន់រៀល ហើយពេលខ្លះ៧ពាន់ រៀលប៉ុណ្ណោះក្នុងមួយថ្ងៃ» ។
បងស្រីបានលើកឡើងថា មួយថ្ងៃៗនៅជុំបរមរាជវាំងមិនសូវមានមនុស្សដូចមុននោះទេ ទោះបីជាមានថ្ងៃសីលក្តី ក៏មិនដូចមុននោះទេ គឺពីមុនច្រើន តែឥឡូវនេះស្ងាត់ ហើយគ្មានអ្នកទិញរបស់ទៀត ធ្វើឲ្យអ្នកលក់មិនដាច់នោះទេ ប្អូនអើយ ។ ពាក់ព័ន្ធនឹងការលក់មិនដាច់នេះដែរ បងស្រីក៏បានលើកឡើងថា មិនថា តែកន្លែងគាត់នោះទេ កន្លែងគេផ្សេងក៏លក់មិនដាច់ដែរ ទោះបីជាកន្លែងគេលក់របស់គេមានរបស់ផ្សេងក៏ដោយ ។
ជាមួយគ្នានោះដែរ អ្នកមីងជាអ្នកលក់ចំណីឲ្យព្រាបក៏បានត្អូញត្អែរថា លក់មិនដាច់នោះទេ ព្រោះស្ងាត់ខុសពីមុន ដោយពេលខ្លះមិនបានលុយទៅផ្ទះទុកឲ្យកូនរៀនដូចសព្វដងនោះទេ ទោះបីជាឥឡូវសាលារៀនវ៉ាកងក៏ដោយ ។ អ្នកមីងបន្តថា នៅពេលជំងឺកូវីដ១៩នេះបានផ្ទុះឡើងបានធ្វើឲ្យប៉ះពាល់ដល់សេដ្ឋកិច្ចគ្រួសារយ៉ាងខ្លាំងមិនថា តែអ្នកមីងនោះទេ គឺអ្នកប្រកបរបផ្សេងទៀតក៏ប៉ះពាល់ដែរ ដូចជា អ្នកបាយ គុយទាវ និងបើកភោជនីយដ្ឋានជាដើម ។
លើសពីនេះអ្នកថតរូបថតលក់ក៏បានប៉ះពាល់ដែរ ព្រោះឥឡូវមិនមានមនុស្សមកទស្សនានៅមុខវាំងច្រើនដូចមុននោះទេ គឺស្ងាត់តែម្តង ។ សូមជម្រាបថា បន្ទាប់ពីកម្ពុជាបានឆ្លងជំងឺកូវីដ១៩ ដោយសារជនបរទេសមករាជរដ្ឋាភិបាលបានខិតខំធ្វើការទប់ស្កាត់យ៉ាងខ្លាំងក្នុងនោះបានបិទការ៉ាអូខេ ព្រះបរមរាជវាំង កាស៊ីណូ…៕
ចែករំលែកព័តមាននេះ